Mathiew 28:18 - Wëël Jwøk

¹⁸ Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Mathiew 28:18 Iomraidhean Croise

Pwöc Leec Wïc 8:15

Nyeye mïëri wø käärge ka køøra, ni ö kwääri ni kälge ciik wøk moa näk adïëri.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 16:28

Adïëri møn, acaana gø jïïu, ni da jø møøk mo cuŋŋö kany en, mo thøø ba jootge, ni Wär Dhaanhø poot kärge neenø ni öö ki bura mare.»

Mathiew 26:64

Ni dwøgi ya Jecu jïre, na «Acaanï na kare. 'Ba a cäänna uuni, ni køør man en, Wär Dhaanhø oneennu no opï bäät cer cwïï Jwøk na en teeki jïre, ni ööi ka bäät pøøl mo maal.»

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 13:3

Jecu na ŋäc gø ni jammi bëët ocïp Wuue cere, ni eni ööi ka baŋ Jwøk, ni eni cäŋa døø baŋ Jwøk,

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 3:31

«Eni na öö ki maal, ena wïth jammi bëët. 'Ba eni ni en piny, beeye ŋat piny, ni jap piny beege wø caane. 'Ba eni na ö ki maal, ena wïth jammi bëët.

Jøøn 3:35

'Ba Wuuö mëër ki Wäädö ni cïp jammi bëët cer gø.

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

Moa Tïïc Nyïïatwieli 2:36

Kiper manøgønø, wär ŋäc dhi øt Icrielli bäre na adïëri døøc ni ŋatøgø adøøc Jwøki Kwäärö ni näk Krictø, ni beeye Jecu manøgø kiree na guru bäät jaadha no odëëdö.»

Wëëlö Mana Göör Pøølli Baŋ Jø Röm 14:9

Ni beeye na thøw Krictø kipere ni cäŋ kwøw, kiper nee tïme na Kwääy jøøa thøw ki moa kwøw.

1 Körin 15:27

«Kiper Jwøk jammi bëët adïïme ni wëëk ge bëëtö tiere.» 'Ba kanya caani, ni «Jammi bëët odïïmö ni bëëdö tiere,» ŋäc ni Jwøk na cïp jammi bëët nee bëëtge tier Krictø, eni ki dëëre ba en tier Krictø.

Köløcia 2:10

'Ba kawaane, uuna nø thur karu ki ree, ŋata näk wïth kwääri bëët ki moa no ocuumö bëët.

Ibaru 1:2

'Ba ki yïth nïne moi ii, ena cäänö ki øøni ki ri Wäädö, ŋata nyoodhe ni beeye lwiidhø mana en jammi bëët cere, ŋata ö eni thuwø na cwääc piny ki køøre,

Ibaru 2:8

ni cïbï jammi bëët cere.» 'Ba kanya ö Jwøki na cïp jammi bëët cer dhaanhø, bäŋ gïn mo ee wii wøk, ni ba en cere. 'Ba kawaane, jammi bëët poot ba neetø ni ena cere.

1 Piter 3:22

ŋata aa maal, ni en bäät cwïï Jwøk, ni bëët nyïïatwiet maal, ki kwääri, ki teek bäre ni ge leŋa dwøre.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»