Mathiew 27:54 - Wëël Jwøk

⁵⁴ 'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Mathiew 27:54 Iomraidhean Croise

Mathiew 26:63

'Ba Jecu alïŋö jaak. Ni ö Kwääy Lammi Mana Dwøŋ ni kööe jïgø, na «A köömma ïïni ki nyeŋ Jwøa kwøw, caanï jïwa ki man näk mo bee ï na Krictø, na näk O Jwøk.»

Mathiew 27:36

Køøre gena pï piny ni ge køya eni kaace.

Mathiew 27:40

ni köge, ni «Ï na doo nyak Øt Jwøk Mana Dwøŋ ni cäŋi gø geerrø ki nïne adäk, køny riï nø. Ö piny ki bäät jaadha no odëëdö, ni näk mo ïïna O Jwøk møn.»

Mathiew 27:43

Eni kee Wuuö Jwøk ee ŋäädhö. ?Aŋø, Wuuö Jwøk ba køny eni ŋø, nee Wuuö Jwøk yie met ki eni? Kiper ena köö, ni ‹Aana O Jwøk.› »

Mathiew 27:51

'Ba kanyøgø abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny. Ni ö pinynyi ni jäŋ ree, ni kaaŋ kïte.

Mathiew 4:3

Kanyøgø dïcuuy aöö ni kööe jïgø, ni «Nee ïïna O Jwøk, kööm kïte moi nee tïmge na muunni.»

Mathiew 8:5

'Ba kanya ö Jecu na pïïe Kapernaam, kwääy tøŋ man wø käär jiy ma dïpa aö baŋe, ni kwac gø,

Maak 15:39

'Ba kwääy dïkuye ma dïpa mo cuŋŋö ni dïët ki eni, na joot gø, ni ena jwïëy ka aŋuudi na enøgønø, ena köö, na «Adïëri møn, ŋati en beeye O Jwøk.»

Luk 22:70

Ni köge, ge bëët, «?Bee ïïni na O Jwøk, nø?» Ni dwøk gø jïge, «Beeye ni caannu enø.»

Jøøn 19:7

'Ba aløk jø Juuthi jïre, ni «Jïwa da luubö ri ciik Jwøk, 'ba ki køør luummögøøni, eni doo nääö kiper na døøc ree O Jwøk.»

Moa Tïïc Nyïïatwieli 10:1

'Ba yi Cecaria da ŋat mo nyeŋŋe Körnilia. Ni ena wïth dïkuye ma dïpa, lwaa wø cwøl ni lwaa Itali.

Moa Tïïc Nyïïatwieli 2:37

'Ba na wïnyge luummögø, cwïnyge abwøk, ni köge jï Piter ki nyïïatwieli møga, «?Nyïïmëëkwa, agïnaŋø noo tïïcwa?»

Moa Tïïc Nyïïatwieli 21:32

Ni puti ya jø tøŋ käl ki kwääc lwaae, ni reŋge baŋ jiy. 'Ba jiy na raŋge kwääy jø tøŋ ki jø tøŋ, ceŋge awecge ri Pøøl ki pöödö.

Moa Tïïc Nyïïatwieli 23:17

Ni ö Pøølli ni cwöte ki dhaanhø aciel dëët kwääc dïkuye ma dïpa, ni kööe, ni «Kïth nyilaari baŋ kwääy dïkuye mana dwøŋ, kiper da gïn mo caane caanø jïgø.»

Moa Tïïc Nyïïatwieli 23:23

Kanyøgø kwäärö mana dwøŋ mar jø tøŋ kwääc jø tøŋ ariiø acwøle, ni kööe, ni «Kanyo tïme na caae abïŋween ki wäär, wäru lwötu ki jø tøŋ ma dïpe ariiø, ki jø wø cääthi ki bäät okwëënyi ma pïërabïriiø, ki jiy ma dïpe ariiø mo käära tøøŋi, nee cige këël mano pïïcge Cecaria.

Moa Tïïc Nyïïatwieli 27:1

'Ba køøre na nø caani ni wa kïth yi Itali ki jääy mo dwøŋ mar naam, Pøøl ki jø tööc møøk acïpge cer kwääy lwaa dïkuye mar nyeny Röm ma Agacta mo nyeŋŋe Julia.

Moa Tïïc Nyïïatwieli 27:43

'Ba kwääy lwaa jø tøŋ ma dïpa, kiper mana näk mo eni manynya man gwøk Pøøl, gena mäne ki mana dege tïïö. Ni cïpe ki dwøl jï jøøa ŋäc kwaaŋ ni kwøŋge rege leeŋ yi naam, nee cige wøk,

Wëëlö Mana Göör Pøølli Baŋ Jø Röm 1:4

Ni beeye eni na nyooth na O Jwøk ni eni teek ki køør Jwïëc Jwøk na en kur keere kanya tïŋi maal ki yi thøø. Ni beeye Jecu Krictø na näk Kwääyø,

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.