Mathiew 27:53 - Wëël Jwøk

⁵³ Ni öge wøk ki yïth bwör køør duun Jecu wøk ki yi thøø, ni cige paana en kur keere na näk mar Jwøk, ni beeye Jerucalem, ni neeni ya jiyi mo thööth.

Mathiew 27:53 Iomraidhean Croise

Neemiya 11:1

'Ba dïbwöthe gena bëëdö ni ge bëëdö Jerucalem. 'Ba jiy bëët møga nyuuthe mo wø tïïc ni pätha bäät ŋati man nø atïïcge, ni ŋato päth bääte nø røk jiy apaar nee kälge nee bëëde Jerucalem, päänya en kur keere na mar Jwøk, nee jiy abïŋween moi nø mo odööŋ ki ra apaar nee bëëtge ni ge bëëdö yïth päänye møga.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 22:19

'Ba ni näk da ŋat mo känna wøk ri luupögø ni en yi wëëlli en ni køp gïï mo poot ena nyïm, kure ni en ri jaadha näk jaath kwøw ki mana en yi paana en kur keere no ogöörö yi wëëlli en, okäl Jwøki wøk.