Mathiew 27:51 - Wëël Jwøk

⁵¹ 'Ba kanyøgø abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny. Ni ö pinynyi ni jäŋ ree, ni kaaŋ kïte.

Mathiew 27:51 Iomraidhean Croise

2 Luup Nyeye 3:14

Ni tïïe ka abïï gëëŋi mo cwääc ka waare ma kït ma abïcøle, ki kït ma dïmuur, ki kït mo kwaar, ki waac lïïna mo tar mo mïërö; ni göör kït kirubëlli bäät abïï gëëŋi manøgø, ni tïïe ni kwøe kwøø ki waare.

Bwøth Wøk 40:21

Ni ö Modhe ni käl acanduk manøgø yo oduŋkaara na näk kar bëëtö mar Wuuö Jwøk, ni lïër abïï maal man wø gëëŋ kanya en kur keere na pere leth ki gø, ni gëëŋ acanduk man wø nyooth luumma tuut Jwøki ki jiy ka abïï manøgø; ni ee tïïö na kare kaawat mana ö Wuuö Jwøki na kööm eni.

Aydheea 25:7

'Ba bäät kïdi man, eni na Wuuö Jwøk gïna leth na näk jiy bëët ee rïëbö, na bëëdö ni ree ee peerø bäät wïth juurre bëët, wääre wøk bäät jiy.

Ciik Kiper Dïlämme 16:2

Eni na Wuuö Jwøk ena köö jï Modhe, ni «Caanï jï coku ma Aran nee eni ba døny yi kanya en kur keere na pere leth ki kany wäro manynye jaak, ni beeye kanya no ogëëŋö ka abïï nyïm rëëbi mana näk nyuudhi mar wëën raay mana näk acanduk orïëbö ki gø, kiper nee eni ba thøøe. Kiper kany wø nyoodha raa yie ki yi pöölö beeye bäät rëëbi manøgø.

Ciik Kiper Dïlämme 21:23

'Ba eni, kiper mana näk dëëre da möönynyö, ba løny jïre ki man døny yi kanya en kur keere nyïm abïïna näk gëëŋi, ni ba nyänh buut gïn wø cïp olämme bääte, kiper nee kar lam mara na en kur keere ba pääde. Beeye aani na Wuuö Jwøk na cïp gø kur keere.› »

Abakuk 3:10

Kïte ïïna jootge ni putge tïmö ni jäŋŋi, ni ö jwïëö ni pänhnhe, ni ö kanya päŋ ni lwöre ko odhäny, no odhäny mare puta ö maal døc.

Abakuk 3:13

Ïïna ci nyïm kiper jiyï nee piemï, kiper man piemï dhaanhnhï na näk wïïe othïïmmö ki maaw. Ïïni wï dïbwödhi mar dhi øtø mana raac anyathï, ni lweerï eni na bäre bäre.

Kwään Jiy 4:5

Kany wø tïme na ri tïŋŋö, Aran ki wääte doo dønynya yo oduŋkaara, ni pätge abïï man wø gëëŋ kanya en kur keere na pere leth ki gø, ni kälge gø piny, ni rïëpge gø bäät acanduk man wø nyooth luumma tuut Jwøki ki jiy.

Mathiew 27:54

'Ba kanya ö kwääy jø tøŋ man wø käär jiy ma dïpa ki jøøa en buute, ni beege jøøa koor Jecu, na neenge dïjäŋ piny ki gïïa tägö bëët, gena lwäyö døc, ni köge, na «Adïëri møn, ŋati en beeye O Jwøk.»

Mathiew 28:2

'Ba piny ojïtö ki dïjäŋ piny mo dwøŋ døc. Kiper nyïïatwiel maal mar Wuuö aöö ki maal ni daak kïdi dhi bwörö, ni pï piny bäät gø.

Maak 15:38

'Ba kanyøgø nø, abïïna näk ogëëŋö mar Øt Jwøk Mana Dwøŋ aput jeeø ki dïëre, ni tägi ka maal ni këët piny.

Luk 23:45

ni tïm cäŋŋi ni ba rieny; ni ö abïïn Øt Jwøk Mana Dwøŋ ni put jeeø ki dïëre na thäŋi ariiø.

Luk 23:47

'Ba na ö kwääy dïkuye ma dïpa na neen gïna tägö, Jwøk apwøe, ni kööe, na «Adïëri møn, ŋati en, bäŋ gïn mo ee baa.»

Ibaru 6:19

Ni ŋääthögøøni ena jïïø en ni caala alïŋ mar jääy, mo bëëdö kare na gïn ma adïëri kiper kwøw marø, ni beeye ŋäädhe mar yi nyïm man wø pööth yi øtø kuya ya abïïna näk ogëëŋö,

Ibaru 9:3

'Ba ŋää abïï maya mana näk ogëëŋö, da thääŋö mør mo cwøl ni kanya en kur keere na mar Jwøk na pere letha eni,

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.