Mathiew 27:42 - Wëël Jwøk

⁴² ni «Eni wø kønya jø møøk, 'ba dëëre ba maar køny. Ni näk mo ena nyeny jø Icriel, eni ö piny ki bäät jaadha no odëëdö ennø, nee wa jïëcwa ki eni.

Mathiew 27:42 Iomraidhean Croise

Mathiew 2:2

«?Na age ŋata nywöli na nyeny jø Juuth? Kiper cëënynye ajootwa ki jï løø kur tuul-cäŋ, ni beeye tiere ni öwa en nee eni wøørwa.»

Mathiew 27:37

'Ba løø kur wï Jecu maal agöönge ki luubö mo ege kïth bääte, mo kwaan, ni «Ŋati en beeye Jecu nyeny jø Juuth.»

Mathiew 27:40

ni köge, ni «Ï na doo nyak Øt Jwøk Mana Dwøŋ ni cäŋi gø geerrø ki nïne adäk, køny riï nø. Ö piny ki bäät jaadha no odëëdö, ni näk mo ïïna O Jwøk møn.»

Mathiew 27:41

Ni buui ya kwääc laam thuwø ki dïpööye mo ciik Jwøk ki jaae, ni köge,

Maak 15:31

'Ba ena buu kwääc laammi thuwø, ni ge cäänö yïthakicge ki dïpööye mo ciik Jwøk ni ge köö, ni «Eni wø kønya jø møøk, ba dëëre ba maar køny.

Maak 15:32

Wär eni na Krictø na näk nyeny jø Icriel ö piny ennø ki bäät jaadha no odëëdö, nee neenø ni jïëø.» 'Ba jøøa näk ogurö ki eni, ena buuge thuwø.

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 23:35

'Ba jiy cuŋŋö ni ge neeta gø. Ni ö jøøa näk kwääri ni buuge eni, ni köge, ni «Eni wø kønya jø møøk. Wär ree kønye keere nø, ni näk ena Krictø mana öö ki baŋ Jwøk, na mare, na näk ee jierø.»

Luk 23:37

Ni ge cäänö, ni «Ni näk bee ïïni na nyeny jø Juuth, piem dëërï.»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 12:13

Kanyøgø gena käädö ki bäät tuue ni cige kuna røømge ki eni, ni ge rëëdö, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk, ni beeye na Nyeny jø Icriel.»

Jøøn 12:47

'Ba noo dee ŋat mo wïny luup moa caana ni ba gwøk geni, eni ba ŋøla wøk. Kiper a kär ö kuna ŋøla luup mo piny, 'ba a ööa kuna piema piny.

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Moa Tïïc Nyïïatwieli 4:14

'Ba na neenge ŋata køny ni cuŋŋö buutge, gena tïmö ni bäŋ gïn mo maarge caan.