Mathiew 27:31 - Wëël Jwøk

³¹ 'Ba na nø buuge gø, abïïnögø akälge wøk dëër gø, ni dwøkge abïïe moe dëëre. Ni bwøthge gø wøk kuna guri bäät jaadha no odëëdö.

Mathiew 27:31 Iomraidhean Croise

1 Nyeye 21:10

ni kännu ki jiy ariiø mo wïthge reyø, ni cïbu ge nyïme, nee ge cäänge ki luup dëëre, ni ge köö, ni ‹Ïïni Jwøk ki nyeya ajanynyï.› Køøre wär kïthu wøk ni këëru eni ki kïte nee thøøe.»

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

Aydheea 53:7

Ena caari ni wëëgi jwør gïï mo leth, 'ba eni dhee käre tuuö; ena lïŋö kaamar nyidiel mo køøla baŋ ŋaal, ni neekïïl kaamar røømmø mo ena nyïm jø wø nyaar jïëye, ni dhee käre tuuö.

Kwään Jiy 15:35

Køøre Wuuö Jwøk aköö jï Modhe, ni «Ŋatøgø doo nääö møn. Eni doo këër lwaaki bäre ki kïte wøk ŋää twïër.»

Mathiew 20:19

ni cïpge gø ceŋ juurre nee buui, ni pwödi, ni nääi bäät jaadha no odëëdö. 'Ba noo tïme na ri dää nïne eno tïŋ maal ki yi thøø.»

Mathiew 21:39

Ni makge gø, ni leeŋge gø wøk ŋää pwödhö, ni 'näkge gø.

Mathiew 26:2

ni «Ŋäyu ni noo tïme na køør nïne ariiø beeye cäŋ mano wøør cäŋ Cäŋa Pööth Thøøe Yie. 'Ba Wär Dhaanhø ocïp ceŋ jiy nee 'näk bäät jaadha no odëëdö.»

Maak 15:20

'Ba na nø buuge gø, abïïna näk dïmuur akälge wøk dëër gø, ni dwøkge abïïge dëëre. Ni bwøthge gø wøk kuna guri bäät jaadha no odëëdö.

Jøøn 19:16

Kanyøgø ena cïbe jïge, nee gur bäät jaadha no odëëdö.

Jøøn 19:27

Køøre ena köö jï bääŋ manøgø, ni «Neen meru.» Ni puti ya bääŋögø lwør yi caannøgø ni kïth gø paare.

Moa Tïïc Nyïïatwieli 7:58

Ni peege gø wøk ŋää paac ni këërge gø ki kïte. 'Ba jøøa këër gø, abïïkge awiige buut nyen ma wøp mo nyeŋŋe Cøøl.

Ibaru 13:12

Kaawat manøgø thuwø, Jecu gïï mo leth ajwøre wøk ŋää kiir, kiper nee jiy tïïe ni ena kur keerge na mo Jwøk ki køør remme kiree.