Mathiew 27:19 - Wëël Jwøk

¹⁹ 'Ba kanya bëët Paylati no opï piny bäät køøm løøk, cïïe aöön baŋe ki dwøl ni kööe, ni «Kär dee gïn tïïyï ki ŋatøgø ni mare beer enø. Kiper gïï mo leth døc ajwøra yawïtïni ki yïth lääk kipere.»

Mathiew 27:19 Iomraidhean Croise

Wïlöölö 31:11

Køøre nyïïatwiel Jwøk aköö jïra ki yïth lääk, ni ‹Jeekap,› ni kööa, ni ‹Aani en.›

Wïlöölö 31:24

'Ba Jwøk aö bäät Leeban nyï Aram ki wäär yïth lääk, ni kööe jïgø, ni «Gwøk riï ki man ba cäänï ki Jeekap ki gïn mo mäna wääth mare.»

Wïlöölö 31:29

Doo da gïn mo tïïa tïïö dëëtu ennø na bëëde ki køør teek mana en jïra, 'ba Jwø wääu acäänö ki aani ki yïth lääk yawïtïni, ni kööe, ni ‹Gwøk riï ki man ba cäänï ki Jeekap ki gïn mo mäna wääth mare.›

Pwöc Leec Wïc 29:1

Ŋat wø jøgi cooth, ni luup poot di dhalø, ränynyö ocwöp dëëre, ni bäŋ gïn køny gø.

Aydheea 53:11

Wuuö Jwøk aköö, ni «Køør gïïa jwøre ki cwïnye, yie omïnni kanyo joot gïno beer. Eni na dhaanhnha na mare beer, ki køør leec wïc mare, jiy mo thööth ojïëe ni marge beer ki køør mana käär raay moge.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Kwään Jiy 12:6

Ni kö Wuuö Jwøki, ni «Wïnynyu luupa ii. Kany wø näk da nyikuŋ Jwøk dïïu, a na Wuuö Jwøk raa wø nyoodha nyoodhø jïre ki ri lääk, ni cääna ki eni ki yïth lääk.

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 2:19

'Ba kanya thøw Eerati, nyïïatwiel maal mar Wuuö aö bäät Jocep ki yïth lääk kanya en Ijep, ni kööe,

Mathiew 2:22

'Ba kanya wïnynyi Jocepi ni Arkelia odööŋ Judia na kwäärö kar wänni ma Eerat, ena lwäyö ki ciin kaace. 'Ba kiper mana näk eno kööm Jwøki ki yïth lääk, ena daa Galili.

Mathiew 27:18

Kiper ajoode ni kwääc laam ki jaae, marge keec na kälge Jecu baŋe.

Mathiew 27:24

'Ba na jooti ya Paylati ni bäŋ gïn løny ki tïïc jïre këët, ni dïŋaŋ manynya man täge, ena lwötö ki pïï ni lwøk ceŋŋe nyïm lwaak, ni kööe, ni «Kara tïme ni bäär ki rem ŋatøgø. Manøgø ena jïïu keeru nø.»

Mathiew 27:4

Ni kööe, ni «Aana bääyö kiper na cïba ŋat mo bäŋ gïn mo ee baaø ceŋ nyïïmän.» 'Ba adwøkge, ni «?Jïwa dee ŋø? Manøgø ena jïrï keerï.»

Luk 23:41

'Ba ajäla marø møn beeye kare. Kiper gïna pïï dëëtø en beeye mana näk orømø ki gïïa tïïø. 'Ba ŋati en bäŋ gïn mo raac mo ee tïïö.»

Luk 23:47

'Ba na ö kwääy dïkuye ma dïpa na neen gïna tägö, Jwøk apwøe, ni kööe, na «Adïëri møn, ŋati en, bäŋ gïn mo ee baa.»

Jøøn 19:13

'Ba Paylat na wïny gïïögøøni, Jecu akäl wøk, ni pï piny bäät køøm løøk bäät thudhi, na cwøl ni Gabatha ki dhi Ibaru.

Moa Tïïc Nyïïatwieli 12:21

'Ba na tïme na dïcäŋa näk ocaanø, Eerat abïïk nyec arøø dëëre, ni pï bäät wälu mare, ni cään geni.

Moa Tïïc Nyïïatwieli 18:12

'Ba kanya bëët Galliø na kwäärö mar Akeea, jø Juuth adwätö ni makge Pøøl ni kälge gø kar løøk.

Moa Tïïc Nyïïatwieli 18:16

Ni riem ge wøk ki kar løøk.

Moa Tïïc Nyïïatwieli 18:17

Ni cige bëët ni makge Cøtheni na näk kwääy øt acooŋ lam, ni pwötge gø nyïm kar løøk. 'Ba Galliø bäŋ gïn mo ee caanø kiper gïnögø.

Moa Tïïc Nyïïatwieli 25:10

'Ba Pøøl aköö, ni «Aani, a cuŋŋa kar løøk mar Cidhar, kanya di mara caanø yie. Bäŋ gïn mo raac mo yaa tïïö dëët jø Juuth, ni manøgø ŋäyï ki dëërï.

Moa Tïïc Nyïïatwieli 25:17

Kiper manøgønø, kanya öge kany ki aani, raa kära gaalø. Aana put ci kar løøk ka aruunnø man ni cïpa ki dwøl ni nyenøgø käli.

Moa Tïïc Nyïïatwieli 25:6

'Ba na nø bëët Pecta ki geni ki nïne mo jïtö ki kar abära wala apaar, ena døø Cecaria. 'Ba na tïme na aruunnø man, ena ci kar løøk ni cïpe ki dwøl, nee Pøøl käl nyïme.

1 Piter 2:22

'Ba eni bäŋ raay mo ee tïïö, ni bäŋ cwøk mo owïnynyö dhee.

1 Jøøn 2:1

Nyïïa, u ni therø, a gööra luubö man baŋu kiper nou ba bääyu. 'Ba ni näk da ŋat mo bääyö, jïïø da ŋat mo ena kurø buut Wuuö, ni beeye Jecu Krictø na beer.