Mathiew 26:67 - Wëël Jwøk

⁶⁷ Kanyøgø gena ŋuut nyeŋŋe ki laaw, ni døøŋge gø, ni ö møøki ni dhööŋge eni,

Mathiew 26:67 Iomraidhean Croise

1 Nyeye 22:24

Køøre Cëdëkiya o Kinana aput ö baŋ Mikaya ni dhööŋ gø ki thääŋ gø ni kööe, na «?Aŋø, jwïëc Wuuö Jwøk a ee wiiø nidïï ni tïme ni cäänö ka dëërï en?»

Aydheea 50:6

'Ba aani, dïŋääa acïba jï jøøa pwöt aani, ni cïba thäga jï jøøa cööt jïëc tïïa wøk. Aani, täärnyïma kära kanø ka abuua mana buu aani ki gø, ki laaw moa ŋool bääta.

Aydheea 52:14

Jiy mo thööth yïthge othäŋŋi kanyo jootge gø, kiper kïdö mare oraanynyø ni put tïmö ni ba caal kït dhaanhø; ni dëëre bäre ogwayø ni ba caal dëër dhaanhø.

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Jeremaya 20:2

eni na Pacuur nyikuŋ Jwøk ma Jeremaya awëëk pöödö, ni wëëk tiet gø kïth yo orøgø na en deŋ dhi kal mar Øt Jwøk mana cwøl ni Benjamen.

Wëël Kïmmö 3:30

Beerra man cïp thääŋŋe jï ŋat wø many man dhööŋ eni, ni bëëde no orøm ka ajøøŋ.

Wëël Kïmmö 3:45

Waana tïïyï kaamar gïï mo owetø mo reyø yïthakic wïth juurre.

Mikiya 5:1

'Ba ennø, u na jø Dhayan, pääŋŋu rou na dhøgi mo leny. Nyïïmän øøna nø cielge dïër. Nyeya mano ŋøl luup jø Icriel agøøcge ki thøra ki thääŋŋe.

Kwään Jiy 12:14

'Ba Wuuö Jwøk aköö jï Modhe, na «?Aŋø, doo naa wänni oŋuut täärnyïm gø ki laaw jaak, eni wïïe bäŋa doo lääö ki nïne abïriiø? Kïthu eni wøk ŋää twïër, nee bëëde kaace ki nïne abïriiø; køør manøgønø, løny ki man cäŋi duu twïër.»

Mathiew 26:68

ni ge köö, ni «Caanï jïwa, ï na Krictø. ?Aŋa na gøøc ïïni?»

Mathiew 27:30

Ni ŋuutge bäät gø ki laaw, ni lwørge otöök ni gøøcge gø ki wïïe.

Mathiew 5:39

'Ba aani, a caana gø jïïu, ni kär kwörï coolï dëër ŋat mo tïïö ki gïn mo raac dëërï. 'Ba ni näk da ŋat mo dhööŋa ïïni ki thääŋ cwïïï, løk thääŋŋï maya jïre thuwø.

Maak 10:34

Ni ö geni ni buuge gø, ni ŋuutge bäät gø ki laaw, ni pwötge gø ni 'näkge gø. 'Ba køør nïne adäk eno ö maal.»

Maak 14:65

Ni täk jø møøki ki ŋuut bääte ki laaw, ni twöcge nyeŋ gø, ni døøŋge gø, ni ge köö jïgø, «Caan ŋata gøøc ïïni!» Ni käli ya dïkuye ni dhööŋge dhööŋŋö.

Maak 15:19

Ni pöötge wï gø ko otöök, ni ŋuutge bäät gø ki laaw, ni këëlge cøŋge piny, keda ge wøøra gø.

Jøøn 18:22

'Ba na caan gïnögø dïkuri aciel mo cuŋŋö buute, Jecu adhööŋe, ni kööe, na «?Aŋø, beeye mana diï løø jï Kwääy Lam Mana Dwøŋ enøgø?»

Jøøn 19:3

Ni öge baŋe ni köge, ni «Ïïna määth, nyeny jø Juuth.» Ni dhööŋge gø ki ceŋge.

1 Körin 4:13

Ni kany wø wac nyeŋwa, wa wø dwøga luup mo met. 'Ba waana tïmö kaamar juu mo wø wet jiyi bäät piny, na cït jammi bëët mo wø weti, ni beeye bëëtwa eni ennø.

Tiet Ciik 25:9

cï coki doo ööa baŋ gø nyïm jø døøŋŋø, ni käl warø wøk tier jwöre, ni ŋuut täärnyïm gø ki laaw. Køøre dhaaŋŋøgø mare dee caanø, ni kööe, ni ‹Man beeye teeŋ gïno tïïc dëër ŋat mo wï po coki ba geere.›

Ibaru 12:2

ni ø neeta Jecu, eni na täk ŋäädhe marø ni wø tïïc gø nee thur kare, ni beeye ŋata jïëny thøw bäät jaadha no odëëdö kiper met ec mana en nyïme, na taak laac wïc, ni pï piny buut wäl Jwøk bäät cwïïc.