Mathiew 26:5 - Wëël Jwøk

⁵ 'Ba gena köö, ni «Paa kanyo poot jiyi kar ajwöm-cam, kiper nee bäŋe dïŋaŋ mo tägi dï jiy.»

Mathiew 26:5 Iomraidhean Croise

Pwöc Leec Wïc 19:21

Da acaare mo thööth cwïny dhaanhø, 'ba pwöc mar Wuuö Jwøk bëëdö kare.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Aydheea 46:10

Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Wëël Kïmmö 3:37

?Aŋa ni løny jïre ki man cääne, ni thur gïna caane kare, ni näk mo kär caan Wuuö Jwøki?

Mathiew 14:5

'Ba këël na bëëde ni Eerat manynya man 'näk Jøøn, ena lwäyö ki jiy. Kiper ojïëc jiyi ni Jøøn beeye nyikuŋ Jwøk.

Mathiew 21:26

'Ba noo caanø gø, ni ‹Käla baŋ jiy›, ø lwäär ki lwaak, kiper jiy bëët ojïëy ni Jøøn beeye nyikuŋ Jwøk.»

Mathiew 27:24

'Ba na jooti ya Paylati ni bäŋ gïn løny ki tïïc jïre këët, ni dïŋaŋ manynya man täge, ena lwötö ki pïï ni lwøk ceŋŋe nyïm lwaak, ni kööe, ni «Kara tïme ni bäär ki rem ŋatøgø. Manøgø ena jïïu keeru nø.»

Maak 14:12

'Ba dïcäŋa täk ajwöm-cam mar Møga Näk Ree Bäŋ Thømmø, ni beeye kany wø 'näkge nyidier Cäŋa Pööth Thøøe Yie, bääk Jecu aköö jïgø, na «?A kaa noo wëëgï wa ciin yie nee jiiŋwa jïrï, kiper niï cämï yie ki cam cäŋ Cäŋa Pööth Thøøe Yie?»

Maak 14:2

'Ba gena köö, ni «Paa kanyo poot jiyi kar ajwöm-cam, kiper nee bäŋe dïŋaŋ mo tägi dï jiy.»

Maak 14:27

Ni kö Jecu jïge, ni «Uuni bëët a weyu wiiø. Kiper ogöörö, ni ‹Aani dïkwääy dïëk ogøøa, ni ö dïëki ni keethge.›

Luk 20:6

'Ba noo caanø gø, ni ‹Käla baŋ jiy,› jiy bëët ø këërge këërö ki kïte, kiper geno jïëy ni Jøøn a nyikuŋ Jwøk na bëëde.»

Luk 22:7

'Ba kanya tïme na dïcäŋ mana dïkwøŋ mar ajwöm-cam mar Møga Näk Ree Bäŋ Thømmø, ni beeye kany wø 'näk nyidier Cäŋa Pööth Thøøe Yie,

Jøøn 18:28

Kanyøgø jø Juuth Jecu akälge wøk ki yi øt Keepa ni kïthge gø øt bura mar kwäärö ma Paylat, ni piny poot cøl. 'Ba geni ki dëëtge ge kär døny yi ødøgø, kiper nee ba tïmge ni ge ba waany, kiper nee cam Ajwöma Mar Cäŋa Pööth Thøøe Yie camge.

Moa Tïïc Nyïïatwieli 19:29

Ni tïm paaci bäre ni döönni. Ni reŋge kar acooŋa karge bëët, ni ge pieya Geea ki Aritarka, jak Macedönia mo wø cäädhi ki Pøøl na aciel.

Moa Tïïc Nyïïatwieli 21:38

?Ï paa nyï Ijep cøøn, na coon yïth jiy ya awääre maya, na bwøth dïnäge wøk dï paap moa näk kume aŋween?»

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.