Mathiew 26:45 - Wëël Jwøk

⁴⁵ Køøre ena duu baŋ bääŋi moe ni kööe jïge, na «?Aŋø, u poot ni uuno butö, nou jwöma rou en? Neennu, kanya wäŋŋi kare acäännö, ni Wär Dhaanhø cïba ceŋ jø raay ennø.

Mathiew 26:45 Iomraidhean Croise

1 Nyeye 18:27

'Ba kanya tïme na dhöör, gena buu Ilaaja ni kööe, ni «Kwayu ni döötu ena maal. ?Aŋø, eni paa jwøk maru? Kanymør wïïe ena baŋ luubö mør, wala eno aa wøk ŋää kiir, wala eni cäädhö jöö, wala kanymør eno butö ni manynya man jiec eni.»

Luup Dïpööy 11:9

Ï na thiinh, iï mïnne kany poodï niï thiinh en; beerra man mïn cwïnyï yïth nïr thïnhö moï, ni caathï køør jap wø many cwïnyï ki mo wø neetï ki waŋï. 'Ba wär ŋäyï ni Jwøk ï pëënynye pëënynyö kiper japøge bëët.

Mathiew 26:18

Ni kööe, ni «Cou pääny baŋ dhaanhø mør kaace, ni caannu gø jïre ni dïpööy aköö, ni ‹Kanya no owäŋŋö kipera kare acäännö. Cäŋa Pööth Thøøe Yie wøøra wøørø ki bääŋi 'moa paarï.› »

Mathiew 26:2

ni «Ŋäyu ni noo tïme na køør nïne ariiø beeye cäŋ mano wøør cäŋ Cäŋa Pööth Thøøe Yie. 'Ba Wär Dhaanhø ocïp ceŋ jiy nee 'näk bäät jaadha no odëëdö.»

Mathiew 26:44

Kanyøgøøni gena cäŋ weyø ni aae ni läme ri dääge, ni poot cara luupögø.

Mathiew 26:46

Ööu maal. Ö aaø nø. Neennu, ŋato cïp aani ceŋ nyïïmän kare acäännö ki man ööe.»

Maak 14:35

'Ba na ci nyïm mëëth ree aleeŋ piny ni läme, ni nee løny ki man bødhe ki kanya wäŋŋi.

Luk 22:53

Kany wø bëëda ki uuni cooth yi kal mar Øt Jwøk Mana Dwøŋ, ceŋŋu käru kïth dëëra. 'Ba beeye karu ennø, ni beeye kar teek muudhö.»

Jøøn 12:23

Ni løgi ya Jecu jïge, ni «Kanyo jiem Wär Dhaanhø yie kare acäännö.

Jøøn 12:27

«Kawaane ennø cwïnya opädhö. ?'Ba agïnaŋø noo caana? ?A doo köö, na ‹Awuuö, wëëk a pöödhö ki yi gïn›? Patha eni, kiper beeye kanya wäŋŋi en na öönynya.

Jøøn 13:1

'Ba kanya cään kar ajwöm-cam Cäŋa Pööth Thøøe Yie, aŋäc Jecu ni kanyo aae pinyi en noo ci baŋ Wuuö kare acäännö. Ni eni mëër ki jiye na en piny, ni bëëdö ni mëër ki geni këël aŋuun kwøw mare.

Jøøn 17:1

Kanyøgø na løny Jecu ki caan luupögøøni, ena lwïthö maal ni läme, ni kööe, na «Awuuö, kanya wäŋŋi aöö. Jiem Wäädï, niï jiem Wäädö,