Mathiew 26:24 - Wëël Jwøk

²⁴ 'Ba ennø, Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Mathiew 26:24 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Daniel 9:26

'Ba kanyo tïme na køør cwiiri abïriiø kwöre ma pïërabïciel ka ariiø, ŋata näk wïïe othïïmmö ki maaw di nääö ni bäŋ gïn mo dööŋ jïre, ni ö jø lenynyi mo kwäärö mør mo ena nyïm ni raanyge pääny ki kar lam na en kur keere. 'Ba aŋuunne öö kaamar jwïëö. Leny obëëdö ni cäätha nyïme jaak këël aŋuunne, ni ränynyö bëëdö no onøŋøl.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Mathiew 18:7

«Otïmö ni raac jï jø piny kiper gïï wø wëëk dhaanhø bääyö. Kiper gïï wø wëëk dhaanhø bääyö tägö møn, 'ba otïmö ni raac jï ŋato öge ki køøre.

Mathiew 26:31

Kanyøgø Jecu aköö jïge, ni «Dïwääni u bëët a weyu wiiø kiper gïno tägi dëëra. Kiper ogöörö, ni ‹Aani dïkwääy ogøøa, ni ö dïëki ma pïïth ni keethge.›

Mathiew 26:54

?'Ba ni näk mo beeye enøgønø, weet Jwøk moa köö ni gïn tägi en doo tägö na enøgønø, a dege thur karge nidïï?»

Mathiew 26:56

'Ba gïnögø bäre tägi kaper nee luupa göör nyïïkuk Jwøki thurge karge.» Kanyøgø bääŋi bëët Jecu awecge ni reŋge.

Maak 14:21

Kiper Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Maak 9:12

Ni kööe jïge, ni «Ilaaja kwøŋa öö møn, ni dwøga jammi bëët kwörge. ?'Ba agïnaŋø na göör kiper Wär Dhaanhø thuwø? Beeye ni eni gïï mo leth mo thööth dee jwørø ni caanni.

Luk 22:22

Kiper Wär Dhaanhø cøø keda mana kwøŋi caan. 'Ba otïmö ni raac jï ŋatøgø noo cïp aani.»

Luk 24:46

Ni kööe jïge, «Beeye mana näk ogöörö, ni ‹Krictø gïï mo leth ojwøre, 'ba noo tïme na dää nïne, eno ö maal ki yi thøø,

Jøøn 17:12

Kanya pooda buutge, gena gwøa ki nyeŋŋï na näk iï cïbö jïra. Ni koora geni, ni bäŋe ya aciel dïge mo orwäänyö, 'ba beeye o ränynyö keere na rwäänyö, kiper nee moa en yi wëël Jwøk nee thur karge.

Jøøn 19:24

Kiper manøgønø, gena cäänö yïthakicge keerge, ni köge, «Kär jeeyø; 'ba beerra man kwäägø ki baw nee ŋato ci jïre nee joodø.» Manøgø tägi kaper nee luumma en yi wëël Jwøk thur kare, na køp, na «Abïïga apääŋge yïthakicge, ni tïïge ki nyuuthe kiper abïïna maya.»

Jøøn 19:28

Køør manøgø na ŋäyi ya Jecu ni jammi bëët anø thur karge, ena köö, ni «Raa da riew.» Manøgø acaane nee luumma en yi Wëël Jwøk thur kare.

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 28:23

'Ba na nø cïpge piny ki cäŋ man öge baŋe yie, gena put ö baŋe kanya bëëde yie ni ge thööth døc. Ni par tier luummögø jïge, ni tägi ka amöölla këël abøøya, ni køpa gïr buc Jwøk, ni nyootha luum Jecu jïge ni beeye adïëri, ni nyoodhe ka ri luup moa en ri ciik Modhe ki mo nyïïkuk Jwøk.

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

1 Körin 15:3

'Ba mana pere letha eni beeye na cïba jïïu, ni beeye mana wëëk aani thuwø, ni Krictø athuunh raayø, kaawat mana no ogöörö yïth Weet Jwøk,