Mathiew 25:46 - Wëël Jwøk

⁴⁶ «Kanyøgø jøøgø geno ci kar ajäla mo bäŋ cuŋŋe, ni ö jøøa marge beer ni cige kar kwøw mana näk adïëri na bäŋ cuŋŋe.»

Mathiew 25:46 Iomraidhean Croise

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Mathiew 13:43

'Ba kar kaaca, jøw onäk marge beer, orieny ni caala cäŋ yi buc Wääge ni en maal. Ŋat mo jïre da ïdhi, beerra man cek ïthe.

Mathiew 19:16

Kanyøgø nyen mør aö baŋ Jecu, ni kööe, ni «?Dïpööy, agïnaŋø ni beer noo tïïa naa jïta ki kwøw mana näk adïëri mo bäŋ cuŋŋe?»

Mathiew 19:29

'Ba jiy bëët moa näk mïëri moge ege wiiø, wala nyïïmëëkge, wala wëëkge, wala mëëkge, wala nyïïge, wala pwöth moge, kiper nyeŋŋa, geno jïti ki møøk mo thööth døc mo kaala geni, ni ci kwøwi mana näk adïëri mo bäŋ cuŋŋe jïge.

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Mathiew 25:45

«Kanyøgø odwøge jïge, na ‹Adïëri møn, a cäänna uuni, ni gïna näk käru tïïö jï dhaanhø aciel mo thiinhnha kare dï moi ii, gïnögø käru tïïö jïra thuwø.›

Luk 16:26

'Ba maya thuwø, yïthakiyø da aŋaak mo dwøŋ døc mo otïïö, kiper nee jøøa doo many man känhge baŋu ki kany, nee ba maar lønyø jïge. Ni bäŋe dhaanhø thuwø mo doo känhnhö ki kunögø ni ö baŋwa.›

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Jøøn 3:36

'Ba ŋat wø jïëy ki Wäädö ni ŋääth gø, ree da kwøw mana näk adïëri mo bäŋ cuŋŋe. 'Ba ŋat wø ba leŋ dwør Wäädö, kwøw ba dee joodø, 'ba ajäla mar Jwøk bëëdö bääte.»

Jøøn 4:14

'Ba ŋato wäro mäthi ki pïïo cïba jïre, ba näk riewi këët. 'Ba pïïo cïba jïre otïmö na jøøro mo kwödö yie, mo kännö ki kwøw mana näk adïëri mo bäŋ cuŋŋe.»

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Jøøn 5:29

ni öge wøk. Ni ö jøøa tïïc gïïa beyø, ni öge wøk ni cige yi kwøw. Ni ö jøøa tïïc gïïa reyø, ni öge wøk ni cige ya ajäla.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Jøøn 6:40

'Ba mana many Wära beeye en, ni ŋato wäro ŋec Wäädö ni jïëe ki eni ni ŋääth gø, jïtö ki kwøw mana näk adïëri mo bäŋ cuŋŋe. 'Ba aani, ŋatøgø otïŋa maal yi cäŋo cuŋ pinynyi yie.»

Moa Tïïc Nyïïatwieli 13:46

'Ba Pøøl ki Barnaba gena put cäänö døc ni cwïnyge da cer, ni köge, ni «Doo beer ki mana di luum Jwøk caanø jïïu dïkwøŋ. 'Ba kawaane na thanyu gø wøk, ni ŋølu rou wøk nou ba rømi ki kwøw mana näk adïëri mo bäŋ cuŋŋe, wa luga baŋ juurre nø.

Moa Tïïc Nyïïatwieli 13:48

'Ba na ö luupögø na wïnynyi ya juurre, yïthge amïnnö ni jiemge luum Wuuö. Ni ö jøøa näk ojier Jwøki bëët kiper kwøw mana näk adïëri mo bäŋ cuŋŋe, ni jïëcge.

Moa Tïïc Nyïïatwieli 24:15

Ni Jwøk yaa ŋäädhö ni da duun wøk køør thøø jï jøøa beyø ki jøøa reyø bëët, na näk ege jïëö thuwø.

Wëëlö Mana Göör Pøølli Baŋ Jø Röm 5:21

kiper nee met yi Jwøk tïme ni dwøŋŋa eni ki køør bëënynyö mano cööp ri kwøw mana näk adïëri mo bäŋ cuŋŋe ki køør Jecu Krictø na näk Kwääyø, kaawat mana ö raayi na dïïm jiy dïkwøŋ na känne ki thøø.

Wëëlö Mana Göör Pøølli Baŋ Jø Röm 6:23

Kiper gïï wø mak cer raay beeye thøø, 'ba muuy mana cïp Jwøki beeye kwøw mana näk adïëri mo bäŋ cuŋŋe ki ri Krictø Jecu na näk Kwääyø.

Galeecia 6:8

Kiper ŋat wø piith gïï wø many dëëlli, beeye ränynyö noo kaae. 'Ba ŋat wø piith gïï wø many Jwïëc Jwøki, kwøw mana näk adïëri mo bäŋ cuŋŋe na en ri Jwïëc Jwøk okaae.

2 Thecalönika 1:9

'Ba geno ränynyi ki ränynyö mo bäŋ cuŋŋe, ni riem ge wøk nyïm Kwäärö, ni ö teege na näk ree da ajiem ni ba jootge gø këët,

1 Jøøn 2:25

'Ba gïna buue jïïø beeye kwøw mana näk adïëri mo bäŋ cuŋŋe.

Juut 1:21

Ni bëënnu mëëc Jwøk, nou koora køny mar Kwääyø ma Jecu Krictø mano cööp ri kwøw mana näk adïëri mo bäŋ cuŋŋe.

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»