Mathiew 25:40 - Wëël Jwøk

⁴⁰ «'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 25:40 Iomraidhean Croise

2 Camiel 9:1

'Ba dïcäŋ aciel, Deebit apëëö ni kööe, na «?Aŋø, da dhaanhø mo odööŋ ni kwøw røk nyïïkwaac Cøøl, nee mëër mara nyoodha jïre ki køør mëër mana en yïthakicwa ki Jönathan?»

2 Camiel 9:7

Køøre Deebit aköö jïgø, ni «Kärï lwäyö; ka adïëri møn, mëër mara nyoodha nyoodhø jïrï ki køør mëër mana en yïthakicwa ki wäru ma Jönathan; ni ö pwöthi bëët moa näk mo kwaru ma Cøøl ni duua ge jïrï. 'Ba ïïno put bëëtö niï cämö ki aani cooth.»

2 Nyeye 4:10

Beerra man tïïø ki øtø mo thiinh bäät øtø man maal, ni kïthø yi gø ki pëëm jïre kaace, ki tharabëëta, ki køøm, ki gïn wø bëët lamba bääte, nee kany wäro ö baŋø, nee eni wø ci yie kaace.»

Pwöc Leec Wïc 14:31

Ŋat wø tïïc gïn mo raac dëër dhaanhø mo can, janynya Jwøk na cwääc ŋatøgø, 'ba ŋat wø nyooth mëër jï ŋata can wøøra Jwøk na cwääc ŋatøgø.

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Jeremaya 39:17

'Ba a na Wuuö Jwøk, ï piema piemø dïcäŋöca, niï ba cïp ceŋ jøøa lwäärï ki geni.

Mathiew 10:40

«'Ba ŋat wø jïëc uuni, jïëya aani. Ni ŋat wø jïëc aani, jïëya eni na jääŋ aani.

Mathiew 10:42

'Ba ŋat wäro mooc dhaanhø aciel mo kare thiinh røk bääŋi 'moa, ni eni cïpi kaper mana näk mo bääŋ manøgø ena bääŋ mara, këël ŋatøgø cïpa pïï mo ŋec ki ya athöödhi cøøn, ka adïëri møn, a caana gø jïïu, ni gïno mëëk eni ba doo kääŋö.»

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Mathiew 25:39

?Na a yi wäne na jootwa ïïni niï tuu, wala ï ena øt twöc ni lïïmwa ïïni?›

Mathiew 25:45

«Kanyøgø odwøge jïge, na ‹Adïëri møn, a cäänna uuni, ni gïna näk käru tïïö jï dhaanhø aciel mo thiinhnha kare dï moi ii, gïnögø käru tïïö jïra thuwø.›

Mathiew 28:10

Kanyøgø gena cään Jecu, ni «Käru lwäyö. Cou ni caannu gø jï nyïïmera nee cige Galili. Aano jootge kaace.»

Maak 9:41

'Ba adïëri møn, a caana gø jïïu, ni ŋato wäro mooc uuni ka athöönh pïï mo maathu kiper na nägu mo Krictø, mano mëëk eni ba doo kääŋö bäre bäre.

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Jøøn 20:17

'Ba Jecu aköö jïre, «A kär gäämï, kiper a poot kär ci baŋ Wuuö. 'Ba ci baŋ nyïïmera ni caanï gø jïge, na ‹A cøøa baŋ Wära ni näk Wääu, ni beeye Jwøa ni näk Jwøu.› »

Wëëlö Mana Göör Pøølli Baŋ Jø Röm 8:29

Kiper jøøa ŋääe cøøn, ee miiø thuwø ki man tïmge ni kïtge caala kït Wääde, kiper nee eni tïme na kaa dï nyïïmëëe mo thööth.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

Galeecia 5:13

'Ba nyïïmera, uuna cwøl nou bëëdu ni uuno pädö. 'Ba kär nou tïïya pät maru ni beeye jöö man tïïyu mo dëël ki gø. 'Ba ŋati man nø beerra man tïny ŋati man nø ki køør mëër.

Galeecia 5:22

'Ba nyïëdi mo wø ööi ki ri Jwïëc Jwøk, beege mëër, ki met ec, ki bëët-mëër, ki bäŋ jøømø, ki bäth ec, ki køny, ki ŋääth dhaanhø,

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

Epeca 5:30

Kiper øøna thäk dëëre.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

1 Piter 1:22

'Ba na tïme ni cwïnynyu you døøc mo tar kiper mana leŋŋu adïëri ni jït cwïnynyu ki mëëc nyïïmëëe ma adïëri, putu bëëtö nou mëër ki røgu ki cwïnynyu bäre.

1 Jøøn 4:20

Ni näk da ŋat mo köö, na «A mëër ki Jwøk,» ni mäne ki coki, ena dïtwöt. Kiper ŋat wø ba mëër ki coki na näk ee neenø, ba løny ki man mëëre ki Jwøk na näk käre neenø.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»