Mathiew 25:36 - Wëël Jwøk

³⁶ Aana cäädhö ki dëëra, ni mooyu aani ka abïï. Aana tuu, ni lïïmmu baŋa. Aana en øt twöc, ni ööu baŋa.›

Mathiew 25:36 Iomraidhean Croise

Aydheea 58:7

Beeye ki man pääŋŋu caammi mou ki jiy moa no onäk käci, ni ö jøøa canni moa näk thääyö jaak ni määnynyu ge ki kwör bëëte, ni ö jøøa näk cäädhi ka dëëtge ni runynyu dëëtge ka abïïe, ni ba løøu nyïmmu wøk ki tuŋi mou na näk rem dëëtu.

Edhikiel 18:16

ni eni bäŋ ŋat mo caare, wala ki man kan gïn mo ee kälö na dïgïti ni ba dwøge, ni ba twëëdö, 'ba jiy moa no onäk käci mooe mooø ki cam, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 34:4

Uuni, moa näk oööl käru wëëk tëënnö, ni käru moa tuu kønyø, ni käru ŋwiili moa en dëëtge bääö, ni käru moa no okeethø cooŋø, ni käru moa no orwäänyö manynyø, 'ba ge kääru ka teek ni ge you caannø.

Mathiew 25:37

«Kanyøgø odwøk jøøa marge beer na en bäät cwïïc jïre, ni ‹?Kwäärö, a yi wäne na jootwa ïïni ni riï da käc ni caamwa ïïni, wala riï da riew ni moocwa ïïni ki pïï?

Mathiew 25:43

Ni ööa ni aana wëëllö, ni käru a pänhnhö. Ni cäädha ki dëëra, ni käru a mooø ka abïï. Aana tuu, ni ena øt twöc, ni käru a lïïmö.›

Luk 3:11

Ni løk gø jïge, «Ŋato jïre da abïïe ariiø, wär pääŋŋe ki ŋato jïre bäŋgø. Ni ö ŋato jïre da cam, ni mooc ŋato näk jïre bäŋgø thuwø na enønø.»

Moa Tïïc Nyïïatwieli 20:35

'Ba ki yïth japøgø bëët, a nyuunhnha uuni, ni dhaanhø doo tïïö døc na enøgønø ni køny jøøa can, ni para wïïe ki luupa caan Kwäärö ma Jecu, na kööe, ni ‹Beerra mar ŋat wø cïpi, ni kaala ŋat wø mooc.› »

Ibaru 10:34

Kiper cwïnynyu apädhö ki gïr jø tööc, ni jïëyu ki man twier jammi mou ni yïthu met, kiper mana ŋäyu gø ni jïïu da gïn mo beerra eni mo puta bëëte.

Ibaru 13:3

Lääŋŋu jøøa no otwöö, kede u ena yi twöc ki geni. Ni lääŋŋu jø wø caanni, keda u di caannø thuwø.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.