Mathiew 25:35 - Wëël Jwøk

³⁵ Kiper aana 'näk käci, ni mooyu aani ki cam. Aana 'näk riewi, ni mooyu a ki pïï. Ni ööa ni aana wëëllö, ni pänhnhu aani.

Mathiew 25:35 Iomraidhean Croise

1 Nyeye 17:11

'Ba kanya tïm nyijøøgø ni aa kuna öömme ki pïï ennø, nyijøøgø acäŋ cwøllø ni kööe, ni «Nyijøøe, wär aani kuunnï thuwø ki thääŋ dääpö ki cerï nee cama.»

Jööp 31:32

Bäŋ wëëllö mo yaa wëëk but thääŋ jöö ki wäär, kiper dhi øtø mara bëëdö ni yaa jabø jaak kiper wëëlle.

Pwöc Leec Wïc 14:21

Ŋat wø taak watge obääyö, 'ba gwïëth en jï ŋat wø nyooth mëër jï jøøa can.

Pwöc Leec Wïc 14:31

Ŋat wø tïïc gïn mo raac dëër dhaanhø mo can, janynya Jwøk na cwääc ŋatøgø, 'ba ŋat wø nyooth mëër jï ŋata can wøøra Jwøk na cwääc ŋatøgø.

Pwöc Leec Wïc 19:17

Ŋat wø nyooth mëër ni wø cïpi jï jøøa can mooya Wuuö Jwøk; eni cun Wuuö Jwøki cunnö kiper gïna beer na tïïe.

Pwöc Leec Wïc 22:9

Ŋat wø nyooth mëër jï jiy wø di gwïëdhö, kiper man wø cïpe ri cam mare jï ŋat mo can.

Pwöc Leec Wïc 25:21

Ni näk mo nyimännï obup, wär mooyï ki cam nee came; ni näk mo ree da riew, wär mooyï ki pïï nee maadhe;

Edhikiel 18:16

ni eni bäŋ ŋat mo caare, wala ki man kan gïn mo ee kälö na dïgïti ni ba dwøge, ni ba twëëdö, 'ba jiy moa no onäk käci mooe mooø ki cam, ni jiy moa näk cäädhi ka dëëtge, dëëtge runynye runynyö ka abïïe,

Edhikiel 18:7

mo bäŋ ŋat mo caare, ni gïn mo ee kälö na dïgïti dwøge dwøgø jï ŋata mäyö baŋe, mo eni ba twëëdö, 'ba eni cïpö ki cam jï jøøa no onäk käci, ni jiy moa näk cäädhi ka dëëtge, dëëtge runynye runynyö ka abïïe,

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Mathiew 25:40

«'Ba odwøk nyeya jïge, na ‹Adïëri møn, a cäänna uuni, ni gïna tïïyu jï dhaanhø aciel mo thiinhnha kare dï moi na nyïïmera ii, gïnögø tïïyu jïra.›

Mathiew 26:11

Kiper jøøa can wø ena dïïu cooth. 'Ba aani, a ba en dïïu cooth.

Maak 14:7

Kiper jøøa can wø ena dïïu cooth, ni løny jïïu ki man tïïyu gïï mo beyø jïge kanyo wäro manynyu gø. 'Ba aani, a ba en dïïu cooth.

Luk 11:41

'Ba beerra man cïpu jï jøøa can røk gïï wø en ya athaa. Kanyøgø nø, jammi bëët tïmö ni waany jïïu.

Jøøn 13:29

'Ba jø møøk acädö ni Jecu caana gø jïre, ni «Ci ŋëëwï ki gïï wø manynyi kiper ajwöm cam,» wala caana gø nee ci kuna cïpe ki gïrpiny jï jøøa can, kiper mana näk opïr gwel ena cere, e na Juudac.

Moa Tïïc Nyïïatwieli 10:31

ni kööe, ‹Körnilia, lam marï awïnyö ni ö muuce moï ni ŋäyi ya Jwøki.

Moa Tïïc Nyïïatwieli 11:29

Ni ö bääŋi ni jïëcge ki man jääŋge jap køny jï nyïïmëëe moa en Judia, ni ŋati man nø cïpö kaawat mano en cere.

Moa Tïïc Nyïïatwieli 16:15

'Ba køøre na nø lwøk dëëre na nyuudhi ki jø paare bëët, waana kwaae, ni kööe, ni «Ni näk you ŋäädhö ni aano jïëy ki Wuuö na adïëri, ööu, ni bëëdu paara.» Ni ö eni ni käre wa wiiø.

Moa Tïïc Nyïïatwieli 4:32

'Ba kanyøgø jøøa näk ojïëy cwïnyge aciel ni jwïëcge aciel, ni bäŋ dhaanhø aciel dïge mo köö ni japa en jïre moe keere. 'Ba geni japge anywaakge na aciel bëët.

Wëëlö Mana Göör Pøølli Baŋ Jø Röm 12:13

Nywaagu japu ki jø Jwøk mo wø can, ni bëëdu nou pänhnha jiy.

Wëëlö Mana Göör Pøølli Baŋ Jø Röm 12:20

'Ba «Ni näk nyimännï ree da käc, caamï. 'Ba ni näk mo onäk riewi, mooc eni ki gïn maadhe. Kiper noo tïïyï manøgø, ï kïtha cuk mo oäpö wïïe.»

Wëëlö Mana Göör Pøølli Baŋ Jø Röm 16:23

Uuna määth Geea, ŋati ni bëëda paare en, ni wø pänh jø acooŋ Jwøk bëët. Ni uuna määth Eracta, ŋat wø pääŋ jammi pääny, ki cöögø ma Kwarta. [

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

1 Timöthi 5:10

'Ba eni wär tïme na dhaagø mo wøp mare ee nyoodhø kiper tïïe moa beyø ni wø tïïe, na ŋat mo piitha obwöre, mo pänhnha jiy, mo lwøga tiet jø Jwøk, mo kønya jøøa näk dëëtge da gïï mo leth, mo puta tïmö ni tïïya gïï wø beyø ki yïth jammi bëët.

Piliman 1:7

Kiper aana jïtö ki met ec mo dwøŋ ki cøm cwïny ki køør mëër marï, coka. Kiper cwïny jø Jwøk amïnnö ki køørï.

Ibaru 13:16

Kär tïï gïïa beyø weyu, ki nywaak gïïa en jïïu. Kiper teeŋ muuce moøgø, Jwøk yie met ki geni.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

Jeemeth 1:27

'Ba lam mana näk adïëri na näk bäŋ gïn mo raac dëëre nyïm Jwøk na näk Wuuö, beeye ki man gwøk obwöre moa näk kïïe ki määr thuunhnhi ri gïï wø leth wø pïï dëëtge, ki man ö dhaanhe ni män ree ki raac piny.