Mathiew 25:32 - Wëël Jwøk

³² Ni ö wïth juurre bëët ni cooŋi nyïme, ni pääŋ geni kaawat man wø ö dïkwääyi ni wø køc rööm ka atëëe.

Mathiew 25:32 Iomraidhean Croise

Dut Pwøc 1:5

Kiper manøgønø, jøøa reyø ba cuŋŋi kar løøk mar Jwøk ni nyeŋge teek, ni ge na jø adhala, ge ba cuŋŋi ya acooŋ jøøa beyø,

Edhikiel 20:38

Jiy mo wø tïïö ki raay ki jiy mo wø gëëmö ki aani daa daa buutu. Ge käla wøk yi ŋöömö man ni bëëtge yie en, 'ba ge ba døny yi ŋööm Icriel këët. Køøre nø ŋäyu ŋääö ni bee aani na Wuuö Jwøk.›

Milkiya 3:18

Køøre nø, ocäŋ tïmö ni løny jïïu ki man ŋäyu ŋata beer ki ŋata raac; këël ŋat wø tïny Jwøk ki ŋat wø ba tïny gø ŋäyu ŋääö thuwø.»

Mathiew 13:49

Gïnögø beeye teeŋ gïno tägi kanyo tïme na aŋuun piny. Kiper nyïïatwiet maal oööi, ni pääŋge jøøa reyø ki jøøa beyø,

Mathiew 28:19

Kiper manøgønø, cou ni tïïyu wïth juurre mo bäät piny bëët na bääŋi 'moa, ni lwøgu geni na nyuudhi ki nyeŋ Wuuö, ki Wäädö, ki Jwïëc Jwøk na en kur keere.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Jøøn 10:14

'Ba aani, aana dïkwääy mana näk adïëri. Ni moa näk 'moa ŋääa, ni ö 'moa ni ŋäcge aani,

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Wëëlö Mana Göör Pøølli Baŋ Jø Röm 2:12

Jiy bëët moa bääö ni ciik Jwøk bäŋgø jïge, geno ränynyi ni bäŋ ciik Jwøk jïge. 'Ba jiy moa bääö ni ge bëënna ciik Jwøk, luup moge oŋøl piny ki køør luup moa en yi ciik Jwøk.

Wëëlö Mana Göör Pøølli Baŋ Jø Röm 2:16

Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

1 Camiel 2:10

Jø wø bëëdö ni ge gëëmö ki Wuuö Jwøk ge di raanynyø, ni ö wëëc Jwøki ni märe bäätge kaamar køth mo pöödö maal. Wuuö Jwøk luumme ŋøle ŋølø bäät piny bäre, këël mano këët teegi mo piny. Ni ö eni ni cïp teek mare jï ŋato cuume na nyeya, ni tïïc teek mar ŋatøgø noo røøny enø ni cäätha maal.»