Mathiew 25:24 - Wëël Jwøk

²⁴ «'Ba ŋata mooc ki gwelø aciel aö nyïm kwääye thuwø, ni kööe, ni ‹Kwäärö, ï ŋääa ni ïïna dhaanhø mo dwørï teek, niï wø kääö kany mo ï kär kwøŋ pïïdhö yie, ni kääï kany mo ï kär kwøŋ judö yie.

Mathiew 25:24 Iomraidhean Croise

Aydheea 58:3

Ge köö, na ‹?Aŋø ni wø ba neenï wödö marwa en kany wø kwierwa cam ni marwa wödö? ?Na aŋø ni wø ba raŋï gø en kany wø dwøkwa dëëtwa piny ni wa mwöl?› «'Ba ka adïëri møn, uuni, kany wø wödu, u tïïya man wø manynyu keeru, nou bëëdö ni jø tïïc mou bëët you thiel piny.

Jeremaya 2:31

Wui, u na jø Icriel, wïnynyu luumma, a na Wuuö Jwøk. ?Aŋø, aana bëëdö kaamar paap ki jïïu? ?A aana bëëdö kaamar ŋöömö mo yie da muudhö mo cøl ki jïïu? ?Aperŋø ni kööu, u na jiya, ni ‹Waani, wa bëëdö ki wïthwa jaak, ni wa ba ö baŋï këët›?

Mathiew 18:24

'Ba kanya täge ki man cwøl jammi moa manynye bäät jø tïïc moe, ŋat tïïc aciel akäl nyïme mo bääte da gwel ma kume apaar.

Mathiew 20:12

Ni köge, ni ‹Jøøi na öö ŋää cään ii, ge tïïya yi caa aciel keere, 'ba gena päänynyï ki waani na ööl ki yi cäŋ bäre, yi cäŋ mo kwaar døc.›

Mathiew 25:25

Kiper manøgønø, aana lwäyö, ni cøøa ni kana gwellï piny. En, lwør mana näk marï.›

Mathiew 25:26

«'Ba adwøk kwäärö mare jïre, ni ‹Ïïna laŋŋø mo raac mo dëërï leth. Ni näk ŋäyï naa wø kääö kany maa kär kwøŋ pïïdhö yie, ni kääa kany maa kär kwøŋ judö yie,

Mathiew 7:21

«Patha jiy bëët mo wø köö ki aani, ni ‹Kwäärö, Kwäärö,› noo døny yi buya käl maal, 'ba beeye ŋat wø tïïc mana many Wära ni en maal.

Luk 15:29

'Ba adwøge jï wänni, ni ‹Neenï, cwiiyi ni thööth ii a bëëdö naa tïnynya ïïni, ni dwørï kära dhalø dïcäŋ aciel bäre bäre. 'Ba bäŋ dïcäŋ aciel maa iï mooø ki nyidiel nee yia mïnne ki nyïïawääta.

Luk 19:13

Ni cwøl laage apaar, ni mooc ge ki gwel apaar ni caan gø jïge, ni ‹Gädhu ki gwetøgø këël mano ööa.›

Luk 6:46

«?Aŋø ni wø cøøru aani, ni ‹Kwäärö, Kwäärö,› ni ba tïïyu gïï wø caana jïïu?

Wëëlö Mana Göör Pøølli Baŋ Jø Röm 8:7

Kiper cwïny man wø näk ocïp køør dëël, män ki Jwøk, ni dwør ciik Jwøk ba leŋe, ni ba maar lønyø jïre ki man leŋ gø.

Wëëlö Mana Göör Pøølli Baŋ Jø Röm 9:20

?'Ba ï na dhaanhø, ïïna ŋa na doo dwök baŋ Jwøk? Gïn mo ocwääö doo köö jï ŋata cwääc gø, na «?Aŋø ni cwääyï aani na ennø nø?»