Mathiew 25:10 - Wëël Jwøk

¹⁰ «'Ba kanya cige kuna ŋëëwge, ŋat nywöm aöö. Ni ci jøøa näk rege ege jiiø kar cam nywöm ki eni na aciel. Ni cïëk dhi øtø.

Mathiew 25:10 Iomraidhean Croise

Wïlöölö 7:16

na thwønh ki maath, kaawat mana ö Jwøki na kööm Nöa. Ni ö Wuuö Jwøki ni cïëk jääy bäät Nöa.

Mathiew 24:42

Kiper manøgønø, kuru. Kiper dïcäŋo ö Kwääyu yie kuyu.

Mathiew 24:43

'Ba ŋäyu gïn, onää wää øtø kanyo ö kuuwi yie ki wäär ee ŋääö, eni doo kurø, ni dee øde ba wëëk toor.

Mathiew 24:44

Kiper manøgønø, uuni thuwø, bëëdu ni røgu you jiiŋŋø. Kiper Wär Dhaanhø öö ri caa mo käru dïëdö.

Mathiew 25:6

'Ba na tïme na dï wäär, dwøl awïnyö, mo köö, ni ‹Neennu, ŋat nywöm aöö. Ööu wøk kuna jølu eni.›

Mathiew 7:21

«Patha jiy bëët mo wø köö ki aani, ni ‹Kwäärö, Kwäärö,› noo døny yi buya käl maal, 'ba beeye ŋat wø tïïc mana many Wära ni en maal.

Luk 12:35

«Bëëdu na abïïgu you kïth dëëtu, ni lambae mou liel,

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Köløcia 1:12

nou pwøya Wuuö Jwøk, ŋata tïïc øøni ni øøno rømø ki man nywaaø olaawi ki jø Jwøk yi tar.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

1 Piter 1:13

Kiper manøgønø, caarru wïthu døøc ni magu wïthu, ni ŋääthu met ec ki cwïnynyu bäre, mano jootu yi cäŋo nyooth Jecu Krictø yie.

Mana Nyooth 1:7

Neennu! Eni öö ki yïth pøøl, ni ö nyeŋŋi bëët ni neenge eni, ki jiy bëët moa mooc dëëre ki ŋwiili. Ni ö jø pinynyi bëët ni kïmge ki gïre. Ni beeye kare, na enønø.

Mana Nyooth 19:7

Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Mana Nyooth 22:20

'Ba ŋata køp gïï aköö, na «A laara öö møn.» Enøgønø. Wui Kwäärö Jecu, wärï ööï.