Mathiew 25:1 - Wëël Jwøk

¹ «'Ba buya käl maal doo päärö ki nyïïakuue apaar mo lambae moge ege lwørø ni cige kuna jølge ŋat nywöm.

Mathiew 25:1 Iomraidhean Croise

Obeec Dudi 1:3

Maar riia mana näk iï wïïrö, ŋwäänynye ec døøye mo met, ni wïny nyeŋ marï caala maaw mo ŋwäänynye met mo oøøc piny ni muulö. Kiper manøgønø, nyïïakuue mëër ki ïïni.

Obeec Dudi 5:16

Eni buny dhee ŋweeth kiree, ni ena ŋat mo cwïny pärö kipere døc. Wui, nyïïakuk Jerucalem! Ŋatøgø beeye omëër mara, ni ŋatøgø beeye nyawatwa.

Obeec Dudi 5:8

Wui, nyïïakuk Jerucalem, a cäänna uuni, ni näk mo omëër mara jootu joodø, wär caannu jïre ni kööu, no «Omëër marï dëëre onøkiil ki mëër.»

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Mathiew 13:24

'Ba Jecu luubö mør mo keda leer acäŋ parrø jïge, ni kööe, ni «Buya käl maal doo päärö ki ŋat mo pwöthe ee jørø ki köödhi ma wøpe.

Mathiew 13:31

Ni ö Jecu ni cäŋ luubö mør parrø jïge mo keda leer, ni kööe, ni «Buya käl maal caala nyi waŋ kunhnhö mo thiinh døc mo okäl dhaanhe ni piith gø yi pwödhö mare.

Mathiew 13:38

Ni pwödhö beeye piny. Ni köödhi moa näk wøpe beege wäät buya käl maal. Ni luuma raac beeye wäät ŋata raac.

Mathiew 13:47

«Ni buya käl maal caala ajääp mo oleeŋ yi naam, ni gwaar wïth rec yie bëët.

Mathiew 20:1

«Kiper buya käl maal caala wää pwödhö mo omøøl wøk ka amöölla kuna cääye ki jø tïïö yi pwöthe.

Mathiew 22:2

ni «Buya käl maal doo päärö ki nyeya mo da cam mo ee jiiŋŋø kiper nywöm mar wääde,

Mathiew 25:7

«Kanyøgø nyïïakuugögø aö maal ni thoothge lambae moge.

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Mathiew 5:16

Wär tayu wëëgu rieny na enø nø nyïm jiy, nee tïïe mou na beyø nee neenge, ni jiemge Wääu ni en maal.

Mathiew 9:15

'Ba adwøk Jecu jïge, na «?Aŋø, wëët nywöm doo kïmmö ni cø nyakøø poot ena dïge? 'Ba nïne oööi, kanyo ö cø nyakøøe noo lwøri dïge. Kanyøca nø, beeye noo wötge.

Jøøn 18:3

'Ba kanyøgø nø, Juudac akännö ki lwaa jø tøŋ mo jø Röm, ki dïkuye møøk mo Øt Jwøk mo käla baŋ kwääc laam ki jø Paricith, ni cige ni ge käädö ki lambae ka ameethi ki jap leny.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

Moa Tïïc Nyïïatwieli 20:8

'Ba øt pööki mana en maal na cooŋwa yie, yie da lambae mo thööth.

1 Körin 11:2

Uuna pwøa kiper mana lääŋŋu aani ki yïth jammi bëët, ni gwøgu kööŋŋe kaawat mana wëëga ge uuni.

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

2 Timöthi 4:8

'Ba køør man nø, Kwäärö, ŋata näk ŋøl mare adïëri, adun wø cïp jï jøøa beyø na kan kipera, omëëk aani dïcäŋöca. 'Ba ba mëëk a keera, 'ba omëëk jiy bëët mo wø mëër ki öönynye.

Tayta 2:13

kany poodø ni ø koora kanyo gwïëth øøni na ŋäädhø, noo nëën ajiem Jwøø na dwøŋ, ni beeye Pïëmi ma Jecu Krictø,

Mana Nyooth 14:4

Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.

Mana Nyooth 19:7

Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 21:9

Kanyøgø nyïïatwiel aciel røk nyïïatwiet maal moa näk abïriiø, jøøa käär kuuya näk abïriiø na päŋ ki jap räny piny moa näk abïriiø na näk aŋuudi ena öö ni luupe ki aani, ni kööe, ni «Ööï, nee dhaagø thiinh na näk cï Nyidiel nyutha ïïni.»

Mana Nyooth 4:5

'Ba dëër wällögøøni da agaackøth mo mal, ki dööti, ki køth mo märö. Ni nyïm wällögø da ameethi abïriiø mo liel, na näk beege Jwïëc Jwøk karge bïriedi.

Mana Nyooth 8:10

Ni ö dää nyïïatwiet maalli ni kooth tuuŋ mare. Ni ö cëërö mo dwøŋ døc mo liel keda ameeth ni pänhnhe ki maal, ni pänh bäät dää thäk näm, ki bäät jøøre mo pïï.