Mathiew 24:6 - Wëël Jwøk

⁶ 'Ba mänye ki waac mänye owïnynyu. 'Ba kär cwïnynyu bwøk. Kiper gïïögø kwøŋa tägö, 'ba cuŋŋe poodi.

Mathiew 24:6 Iomraidhean Croise

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 7:4

Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Jeremaya 47:6

«Uuno jwöŋi ni kööu, ni ‹?Wui, opëël Wuuö Jwøk, a këël kany mo nyïëdi nø noo jwömï riï ki 'näk? Døø yi køp marï! Ni jwömï riï ki 'näk ni bëëdï niï lïŋö.›

Edhikiel 21:28

«'Ba ï na wär dhaanhø, caan gïn ni kööï ni man bee luumma caan Kwäärö Wuuö Jwøki kiper jø Amön ka ajøøŋ mana tïïcge, ena köö, «no ‹Opëëllö anø wöth wøk kiper 'näk, ni bëëdö no othoodhø nee räänye, ni eni malli døc kaamar agaackøth.

Mathiew 2:3

'Ba kanya ö nyeya ma Eerat na wïny gïnögø, cwïnye apädhö këël jø Jerucalem bëët.

Mathiew 24:14

'Ba luumma nyään na met mar buya käl maal okøp dï piny bäre nee gïre wïny wïth juurre bëët. Køøre aŋuun piny oööi.

Mathiew 26:54

?'Ba ni näk mo beeye enøgønø, weet Jwøk moa köö ni gïn tägi en doo tägö na enøgønø, a dege thur karge nidïï?»

Luk 21:19

'Ba jwïëyu ojootu ki køør jïëny gïï mo leth moo jwørru.

Luk 21:9

'Ba kanyo wïnynyu lenye ko oduuru, kär nou bwøk. Kiper gïïögø kwøŋa tägö, 'ba cuŋ piny ba laar öö.»

Luk 22:37

Kiper a cäänna uuni, ni luummi no ogöörö en doo thura kare dëëra, na køp, ni ‹Eno pääri ki jø wø dhal ciik.› Kiper gïna näk ogöörö kipera, doo thura kare.»

Jøøn 14:1

'Ba Jecu aköö, ni «Kär cwïnynyu wëëgu ränynyö. Jïëyu ni ŋääthu Jwøk, ni jïëyu ni ŋääthu aani thuwø.

Jøøn 14:27

Bëët-mëër wø wëëga uuni, ni bëët-mëër mara wø cïba cïbö jïïu. Ni man wø cïba jïïu en, ba caal mana doo cïp pinynyi jïïu. Kär cwïnynyu wëëgu ränynyö, ni ba lwäyu.

2 Thecalönika 2:2

kiper nee wïthu ba wïïrge, wala cwïnynyu pärö, ni bëët keda gïn mo wïnynyu ka ri Jwïëc Jwøk, wala luubö mør mo you wïnynyö, wala wëëlö mo caan ni ööi ki baŋwa, ni caana gø, ni Cäŋ Kwäärö anø öö.

Mana Nyooth 6:4

Ni cäŋ okweenynyi mør ö wøk mo kwaar døc. 'Ba ŋata en bääte omooø ki teek man raany bëët-mëër bäät piny, kiper nee jiy røkge 'näkge. Ni mooi ko opëëllö mo dwøŋ døc.