Mathiew 24:5 - Wëël Jwøk

⁵ Kiper jiy mo thööth oööi ki nyeŋŋa, ni kö ŋati man nø, ni ‹Beeye aani na Krictø.› Ni ö geni ni maaŋge wïth jiy mo thööth.

Mathiew 24:5 Iomraidhean Croise

Jeremaya 14:14

Ni kö Wuuö Jwøki jïra, ni «Nyïïkuk Jwøk moøgø, luup mo wø køpge ki nyeŋŋa, køpge ka wïthge, ni beege luup tööt. Geni, ge ba jääŋŋa aani, ni ge ba köömma aani, naa kär cäänö ki geni. 'Ba ge køpa luup tööt ki køør lääk moge, ki luup adïëda mo bäŋ gïn kønyge, ki cwøk mo käla wïthge keerge.

Jeremaya 23:21

A na Wuuö Jwøk, nyïïkuk Jwøk moøgø, ge kära jääŋŋö, 'ba gena aay ki wïthge keerge jaak; naa kär cäänö ki geni, 'ba luup køpge ka wïthge keerge.

Jeremaya 23:25

«Aani, gïïa car nyïïkuk Jwøki mo wø køp luup tööt ki nyeŋŋa awïnynya ni ge köö, ni ‹Aana lägö, aana lägö.›

Jeremaya 37:9

Luumma caan Wuuö Jwøki beeye en: ‹Kär rou cøøgu ni kööu, ni «Jø Babiløn wa wecge wiiø møn,» 'ba u ba wecge!

Mathiew 24:11

'Ba nyïïkuk Jwøk mo thööth mo patha adïëri rege othïïŋge ni maaŋge wïth jiy mo thööth.

Mathiew 24:24

Kiper Kricte mo patha adïëri ki nyïïkuk Jwøk mo patha adïëri, rege othïïŋge ni tïïge ki ŋïïce mo døøŋŋø ki gïï mo rëëma ec, nee wïth jiy maaŋge; këël wïth jøøa näk ojierø maaŋge maaŋŋø thuwø ni näk mo løny jïge.

Jøøn 5:43

Aani, aana öö ki nyeŋ Wära, 'ba a käru jïëö. 'Ba ni näk da ŋat mør mo öö ki nyeŋŋe keere, beeye ŋato jïëyu.

Jøøn 8:24

Anø caana jïïu, ni ‹Uuno thøø yïth raay mou.› Kiper ni näk mou ba jïëy ni beeye aani na eni, u thøøa yïth raay mou.»

Jøøn 8:28

Kanyøgø Jecu aköö, ni «Noo ŋaabu Wär Dhaanhø maal, oŋäyu nø ni beeye aani na eni, ni bäŋ gïn mo tïïa ki wïïa keera, 'ba a wø cäänö keda mana ö Wuue na pwöny aani.

1 Jøøn 2:18

Obwöre, man a aŋuun caa. 'Ba keda mana wïnynyu gø ni nyimän Krictø öö, kawaane jiy mo thööth mo män ki Krictø aöö. Kiper manøgønø, ŋääø nø, ni man beeye aŋuun caa.

1 Jøøn 2:22

?Aŋa na dïtwöt? Dïtwöt beeye ŋat wø kweer ni Jecu patha Krictø. Ŋatøgø beeye na nyimän Krictø, ŋat wø kwier Wuuö ki Wäädö.

1 Jøøn 4:3

'Ba jwïëy bëët mo wø ba jïëc Jecu ni ööi ni da dëël, ge patha mo Jwøk. Manøgø beeye jwïëc nyimän Krictø na wïnynyu ni öö, ni enø nø ö piny ennø.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.