Mathiew 23:8 - Wëël Jwøk

⁸ 'Ba uuni, u ba doo cwølø ni Dïpööye. Kiper jïïu da Dïpööy aciel, ni uuna nyïïmëëe bëët.

Mathiew 23:8 Iomraidhean Croise

Mathiew 10:25

'Ba orømø ki man tïm ŋat mo di pwönynyö ni caala dïpööy mare, ni tïm ŋat tïïci ni caala kwääye. ?Kiper ni näk wää øtø ege cwølø ni Bieldhebap, jø paare okääŋge nidïï ki man cwølge ge thuwø?

Mathiew 17:5

'Ba kanya poode ni cäänö, pöölö mo tar anijïïm bäätge. Ni ö dwølli ki yi pööllögø, ni caana gø, ni «Man beeye Wääda na mëëra ki gø, na met yia ki mare. Wïnynyu luumme.»

Mathiew 23:10

Ni ba cwøl u ni uuna kwääri. Kiper jïïu da Kwäärö aciel, ni beeye Krictø.

Mathiew 23:7

ni ge manynya man määth geni kwör gath, ni ge cøør jiyi cøørø ni Dïpööye.

Mathiew 26:25

Kanyøgø Juudac ŋata ŋeew ree ki Jecu aköö, ni «?Beeye aani, Dïpööy?» Ni dwøgi ya Jecu jïre, na «Acaanï na kare.»

Mathiew 26:49

Ni put ö baŋ Jecu ni kööe, ni «Ïïna määth, Dïpööy.» Ni nuum dhi gø.

Maak 10:51

Ni kö Jecu jïgø, na «?Agïnaŋø ni manynyï nee tïïa jïrï?» Ni ö cwønøgø ni kööe jïgø, «Dïpööy, wëëk nyeŋŋa døø karge.»

Maak 11:21

Ni ö Piterri ni par wïïe ni kööe jï Jecu, «Dïpööy, neen olaama cienï, abäp.»

Maak 14:45

'Ba na pïïe, ena put ci baŋ Jecu, ni kööe, «Dïpööy.» Ni nuum dhi gø.

Maak 9:5

Ni kö Piterri jï Jecu, ni «Dïpööy, beer døc kiree na enø kany. Beerra man tïïwa ka abïle adäk, aciel kiperï, na aciel kiper Modhe, ni maya kiper Ilaaja.»

Luk 22:32

'Ba aana lämö kiperï nee ŋäädhe marï ba ränynye. 'Ba kanyo cäŋï riï løgø, nyïïmeru wär wëëk tëënnö.»

Jøøn 1:38

Ni ö Jecu ni løk ree ni joot geni ni ge lämma køøre, ni kööe jïge, «?Agïnaŋø ni manynyu?» Ni köge jïre, ni «?Raabay,» na näk tiere beeye Dïpööy, «Ï bëëdï kaa ŋø?»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 11:8

'Ba bääge aköö jïre, «Dïpööy, kany mo cään en jø Juuth caya man këërge ïïni ki kïte. ?Ï doo cäŋa døø kaace këët?»

Jøøn 20:16

Ni kö Jecu jïre, ni «Meeri.» Ni ö dhaaŋŋøgøøni ni put ree løk, ni kööe jïre ki dhi Ibaru, «Rabönay,» na näk tiere beeye Dïpööy.

Jøøn 3:2

Ŋatøgø aö baŋ Jecu ki wäär ni kööe jïre, ni «Dïpööy, ŋäcwa ni ïïna dïpööy mo käla baŋ Jwøk, kiper bäŋ dhaanhø mo doo maara tïïö ki ŋïïce moøgø ni wø tïïyï yøø, ni näk Jwøk tøør buute.»

Jøøn 3:26

Ni öge baŋ Jøøn ni köge jïre, ni «Dïpööy, ŋata bëëdö ki ïïni løø Naam Jördan løøga, na gïre køpï, ena kany ni löö na nyuudhi, ni jiy bëët cøøa baŋe.»

Jøøn 4:31

'Ba kanya poot dhaage ni kär duuö, bääge aö baŋe ni köge, ni «Dïpööy, ööï, ocämï.»

Jøøn 6:25

'Ba na jootge eni løøga, gena köö jïre, «?Dïpööy, ïïno ö kany yi wäne?»

Jøøn 9:2

Ni ö bääge ni pëënyge gøøni, ni «?Dïpööy, aŋa na bääyö, beeye nyenøgø, wala jøøa nywøl gø, ni nywöli na cwør en?»

2 Körin 1:24

Ni patha ni ŋäädhe maru bëënna waani, 'ba marwa tïïc ki uuni na aciel nee yïthu mïnge, kiper u cuŋŋi nou teek ki ri ŋäädhe maru.

2 Körin 4:5

Kiper wa ba køp dëëtwa, 'ba wa køpa gø ni Jecu Krictø beeye Kwäärö, ni waani ki dëëtwa waana laaŋe mou kiper nyeŋ Krictø.

Epeca 3:15

eni na ö nyeŋ tuŋi bëët moa en maal ki moa en piny na caai ree,

Piliman 1:16

ni ba bëëdö kaamar laŋŋø këët, 'ba tïmö na cöögö ni wø mëërö ki gø, ni beeye gïna beerra eni. Ni ena coka møn maa mëër ki gø, 'ba kadha marï røk, kiper ena dhaanhnhï, ni beeye cöögu ki ri Wuuö.

Jeemeth 3:1

Nyïïmera, kär jiy mo thööth tïmö na dïpööye dïïu. Kiper ŋäyu ni waani ni pöö en, ajäla marwa tïmö ni dwøŋŋa eni.

1 Piter 5:3

Ni ba tïmu ni uuna kwääri bäät jøø ni en ceŋŋu yøø, 'ba bëëdu ni uuna jiy ma wøpe nee bëëtö maru ŋwaal pïïthi.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 22:9

'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru na näk nyïïkuk Jwøk, ki jø wø gwøk luupögø ni en yi wëëlli en. Wøør Jwøk.»