Mathiew 23:4 - Wëël Jwøk

⁴ Kiper ge wø twöya tëër mo dwøŋ mo peek ki man tïëti, ni kïthge geni göök jiy. 'Ba ge ki dëëtge gïïögø ba maarge gut këël ki lweetge kiree.

Mathiew 23:4 Iomraidhean Croise

Aydheea 46:1

Jwøa cwøl ni Bël cøŋŋe akëël piny, ni ö jwøa cwøl ni Nebø ni dwøk kööre piny. Kïtge moa no otieŋø akïth bäät dhäk ki lääc paac møøk, ni tïmge na tëër mo peek døc, ni duunne ki öölö mo dwøŋ bäätge.

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Mathiew 23:3

Kiper manøgønø, tïïyu gïn wäro caange jïïu ni gwøgu gø, 'ba gïn wø tïïcge kär tïïyu. Kiper gïrpiny wø køpge købø, ni ba tïïcge gø.

Luk 11:46

Ni kö Jecu, no «Otïmö ni raac jïïu thuwø, u wø caan tiet ciik Jwøk. Kiper beeye u wø kïth tëër bäät jiy mo peek ki man tïëti, ni u ki dëëtu gïïö peek yøø ba maaru gut këël ki lweetu oceele.

Moa Tïïc Nyïïatwieli 15:10

?Kiper manøgønø, aŋø ni päänynyu Jwøk en, nou manynya man kïthu ŋut bääŋi ki gïn mo caala jaath puur man wø rïï ŋut rwaath, gïna näk kär løny jï kwäyø wala øøni ki man tïëti?

Moa Tïïc Nyïïatwieli 15:28

Kiper atïmö ni beer jï Jwïëc Jwøk na en kur keere, ki jïwa thuwø, ki man ba öölwa uuni ki gïï mo thööth, 'ba beege gïï ii keerge na doo beer kiperu,

Galeecia 6:13

'Ba këël geni ki dëëtge na näk odaŋø, ciik Jwøk bäŋ wø gwøkge. 'Ba ge manynya man daŋ uuni, kiper nee ge töötge ki mano tïïc dëëtu.

1 Jøøn 5:3

'Ba mëër ki Jwøk beeye ki man gwøø gïïa ceme. Ni gïïa ceme dhaanhø ba ööle.

Mana Nyooth 2:24

'Ba maru, u na jø møga ni en yi Thayatira, u na näk kär jïëy ki pwöc moøgø, na kär kwany gïï wø cwøl jø møøki ni jap Ceethan moa teek, a køpa gø jïïu, ni bäŋ gïn mør mo u ööla öölö ki gø.