Mathiew 23:37 - Wëël Jwøk

³⁷ «Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Mathiew 23:37 Iomraidhean Croise

Neemiya 9:26

«'Ba geni, luummï kärge wïnynyö; gena gëëmö ki Ïïni, ni løøge ciik moï ŋäthge. Geni nyïïkuk Jwøk moï anäkge, jøøa kööm geni ki man luuge rege baŋï, ni ö geni ni bëëtge ni marge beeye ajaany mo dwøŋ kiree.

Dut Pwøc 57:1

Aydheea 5:4

?Agïnaŋø mør këët nø, noo tïïa mo odööŋ ni kära tïïö kiper pwöth jer omøki mara? ?Kanya bëëda naa koora nyïëdi mo beyø ki man nywøl gø, aperŋø ni tïme ni nywøla nyïëdi mo reyø?

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 26:23

Ni øømge Uria Ijep, ni kälge eni baŋ nyeya ma Jeyöakëm, ni ö Jeyöakëmmi ni 'näk gø ko opëëllö, ni leeŋ dëër gø kany wø koony jiy møga jaak yie.

Jeremaya 32:31

Ka adïëri møn, päänyi en atïmö na gïn mo raanynya cwïnya mo käla wëër mara bääte, ni tägi ki kanya geeri, këël dïcäŋi en. Kiper manøgønø, raanynya raanynyø nyïma,

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 36:26

Køøre nyeya, o nyeya ma Jeramiel, ki Ceraya wär Adhiriel, ki Celemiya wär Abadël, aköömme nee cige baŋ Baruk ŋat wø göör luup piny, ki baŋ nyikuŋ Jwøk ma Jeremaya, kiper nee makge, 'ba Jeremaya ki Baruk geno nø kan Wuuö Jwøki.

Jeremaya 4:14

Wui, u jø Jerucalem, pïnyu raay wøk cwïnynyu, kiper nou piem. ?A këël kany mo nyïëdi nø noo bëët acaare mou na reyø cwïnynyu?

Jeremaya 44:4

'Ba aana bëëdö ni jiya ma nyïïkuk Jwøk bëët jääŋŋa jääŋŋö baŋu cooth, naa köö, ni ‹Gïn ni raac yia ki gø døc enø, na mäna ki gø, kär tïïyu.›

Jeremaya 6:8

Ï na Jerucalem, ï köömmi; 'ba ni näk miï ba köömmi, ø pääö ki ïïni, ni tïïa ïïni na paac mo owii kur keere, na ŋöömö mo ba beet.»

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Odheea 7:13

Otïmö ni leth jïge, kiper mana paanyge rege buuta! Ränynyö oen bäätge kiper mana gëëmge ki aani! Gena manynya ki man piema geni, 'ba gena tïmö ni ge cara tööt kipera.

Dhekaraya 1:4

Käru tïmö kaamar kwäyu. Kwäyu luup 'moa ajääŋŋa baŋge kar kaaca ki dhøk nyïïkuk Jwøk 'moa mo acääŋŋe ni kööa, ni ‹Man beeye dwøra, a na Wuuö Jwøk na en wïth jammi bëët: «Ennø, weyu uutjïëthe mou na reyø ki tïïe mou na reyø.» › 'Ba gena kweer ki man cekge ïthge wala ki man wïnyge luumma. 'Ba luummögø caana aani, a na Wuuö Jwøk.

Mathiew 22:3

ni jääŋ laaŋe moe wøk kuna cwølge jøøa näk ocwølø kar cam nywöm. 'Ba jøøgø akweer ki öö.

Mathiew 22:6

Ni ö jiyi moa dööŋ ni makge laaŋe mo nyeya, ni caange geni ki caannø mo raac døc, ni 'näkge geni.

Mathiew 23:30

ni kööu, ni ‹Doo naa ø nut ri nïr kwäyø, ø ba doo dwätö ki geni ki man kønynyø rem mo nyïïkuk Jwøk piny.›

Mathiew 23:31

Manøgøøni, u køpa rou ni uuna nyïïkwaac jøøa tïïc gïï mo leth dëët nyïïkuk Jwøk ni 'näkge ge.

Mathiew 5:12

Yïthu mïnge ni kanynyu, kiper gïno mëëk uuni maal dwøŋ. Kiper nyïïkuk Jwøk moa kwøŋ bëëtö nou poodi, acaan jiyi na enøgønø.

Luk 15:28

'Ba wäädö manøgø agootø ni kweere ki ciin øtø. Ni ö wänni wøk baŋe ni kwaac gø.

1 Thecalönika 2:15

ni beege jøøa 'näk Kwäärö ma Jecu ge ki nyïïkuk Jwøk bëët, na riem waani wøk. Geni, ge wø raanynya cwïny Jwøk, ni tïmge ni ge män ki jiy bëët,

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Ruuth 2:12

'Ba Wuuö Jwøk ïïno cunne kiper gïna tïïyï; ni ö eni na Wuuö Jwøk na näk Jwø Icriel, Jwøa ööï baŋe na kanï riï buute, ni mooc ïïni ki gïn mo beer.»