Mathiew 23:33 - Wëël Jwøk

³³ ?U na thwöre, ni nägu nyïï thwöre, uuno bøthu nidïï ki man ŋøl ajäl maac bäätu?

Mathiew 23:33 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Aydheea 20:6

Kanyøgønø, jiy mo wø bëëdö mïëc jø Pilitin na en deŋ naama dwøŋ ge köö, ni ‹Neennu, jiy moøgø beege jiy moa wara ŋäädhø na wara reŋŋø baŋge kiper køny, nee ø piemge cer nyeny Aciria. ?'Ba ennø, øøni, øøno bødhø nidïï?› »

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Mathiew 23:32

'Ba ennø, putu bëëtö nou tïïya gïna tïïc kwäyu.

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Luk 3:7

Kiper manøgønø, Jøøn wø köö jï lwaae mo wø ö wøk baŋe nee lwøe na nyuudhi, ni «?U na nyïï thwöre en, aŋa na kööm uuni ni bwøgu ki wëër mano ööi?

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

2 Körin 11:3

'Ba aana lwäyö ni wïthu di maaŋŋø ni weyu mëër mana näk adïëri ni en cwïnynyu kiper Krictø, kaawat mana tïïc thwölli ki riek waŋe na ööe ni cøøk Iip.

Ibaru 10:29

?'Ba a teeŋ rääc ajäla mo nyïëdi nø, na caarru noo rømi ki ŋat mo O Jwøk ee raanynyø, ni käre rem luumma tuut wøørø, mana tïïc eni ni ena kur keere, ni jøøŋ Jwïëc Jwøk ni wø cïp met ec?

Ibaru 12:25

Gwøgu rou nou ba kweerru ki ŋatøgø ni cäänö enø. Kiper ni näk jøøka kär bøth kanya kwierge ŋata kööm geni piny, ø ba bøth na bäre bäre ni näk ŋat wø kööm øøni ki maal yøø kwierø.

Ibaru 2:3

?a øøni, øøno bødhø nidïï, ni näk teeŋ pïëm man piem jiy ki gø manø ni dwøŋ enø yøø wiiø? Kiper akwøŋ Kwäärö køp, ni ö jøøa wïny dwøre ni nyoothge gø jïïø ni beeye adïëri.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.