Mathiew 23:23 - Wëël Jwøk

²³ «Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Mathiew 23:23 Iomraidhean Croise

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Aydheea 28:25

?Eni ŋøøp pwödhö bäŋ wø jiiŋŋe na karge, ni pïïdhe ki teeŋ jer wø ŋwääi ni met, ni piith cïndë na laany? ?Kaagø thuwø bäŋ wø pïïnhnhe ki beek wø cwøl ni gäbci, ki man wø cwøl na aja kwöra näk orømø kiperge?

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Odheea 6:6

Kiper aani, yia wø met ki mëër mo ba jøøl ni kaala olämi man wø cïp, ni yia wø met ki man ŋäc aani, ni kaala olämi man wø waaŋ bäre.

Ciik Kiper Dïlämme 27:30

« ‹'Ba paac wïth gïï wø ciek yi ŋöömö bëët, ni beeye caammi mo pwöth, ki nyïïjenni, gena mo Wuuö Jwøk. Ge ena kur keerge na mo Wuuö Jwøk.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Mathiew 12:7

'Ba doo naa tier gïna caan Jwøki ŋäyu, na køp, na ‹A manynya mëër ni kaala olämme,› jøøa bäŋ ajäla røkge ba dou jäälö.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 9:13

Cou ni kwanynyu tier gïna caan Jwøki na kööe, na ‹A manynya mëër, ni kaala olämme.› Kiper a ba ööi naa cwøla jøøa beyø, 'ba a öönynya jø raay.»

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Luk 18:12

Kiper a wø wödö ki kwöre ariiø ki yi jwøk, naa cïpö ki paac wïth jammi na jëëthe røk gïï wø jooda bëët.›

1 Camiel 15:22

'Ba Camiel aköö, na «?Aŋø, Wuuö Jwøk yie met ko olämme mo wø waaŋ bäre ki teeŋ olämme møøk ni kaala man wïny dwøre, eni na Wuuö Jwøk? Neenï, ki man wïny dwøre pöödha eni døc ni kaala man cïpö ko olämme jïre, ni ki man leŋ mare pöödha eni ni kaala man waaŋ dwäle mo nyöök rööm no olämme.