Mathiew 23:15 - Wëël Jwøk

¹⁵ Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø wïïrö nou cäädhi ka yïth näm ni cäädhu ki wøk kiper nou jïtu ki dhaanhø aciel mo løk ree. 'Ba noo nø løk ree, døøyu mo raac døc, ni tïme na ŋat mo orømø ki man leeŋi yi maac kar ajäla ni kaala uuni.

Mathiew 23:15 Iomraidhean Croise

Acther 8:17

Kanyøgø yïth mïëri bëët, ki yïth päänye bëët kwöra näk dwør nyeya ka awaaci mare opïï yïthge, kanynyø ki met ec aput tägö yïthakic jø Juuth, ni tïïge ka ajwöma mo dwøŋ yi cäŋ manøgø. Køøre jø møøk mo thööth moa en dï mïëri dëëtge aløkge na jø Juuth, kiper gena lwäyö ki jø Juuth.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Mathiew 5:22

'Ba aani, a caana gø jïïu, ni ŋat wø gooti ki coki, eni di pëënynyö kar løøk; ni ŋat wäro jaany coki, eni pëëny kwääc løøe pëënynyö; ni ŋat wäro köö, ni ‹Ïïna bøøl,› eni cøøa yi maac kar ajäla.

Mathiew 5:29

Ni näk waŋ cwïïï beeye wø wëëk ïïni bääyö, göön wøk, ni wetï gø. Kiper beerra eni ki man räny thääŋ dëërï mør, ki mana di dëërï bäre leeŋ yi maac kar ajäla.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Moa Tïïc Nyïïatwieli 13:10

ni kööe jïgø, ni «Ïïni, ïïna wär anägö, niï män ki moa beyø bëët, ni cwïnyï päŋ ki cwøk, ni ïïna ŋat dïwït. ?Aŋø, gïnögø ba weyï bäre bäre ki man bëëdï niï tïïya uutjïëth Wuuö moa tiir no oköömmö?

Moa Tïïc Nyïïatwieli 13:43

'Ba na keeth jiyi øt acooŋ lam, jø Juuth mo thööth, ki jøøa näk dëëtge ege løø na jø Juuth na cwïnyge en køør Jwøk, gena läp køør Pøøl ki Barnaba. Ni ö Pøølli ki Barnaba ni cäänge ki geni ni cøma cwïnyge ki man putge cwïnyge cïp køør met yi Jwøk.

Moa Tïïc Nyïïatwieli 14:19

'Ba da jø Juuth møøk mo oö kanyøgø mo käla yi Antïëk ki Ayköniem. 'Ba na nø coonge yïth jiy, Pøøl akëërge ki kïte, ni jwaage gø wøk ŋää paac, ni ege caarø no othøw.

Moa Tïïc Nyïïatwieli 14:2

'Ba jø Juuth moa näk kär jïëy, yïth juurre acoonge ni wëëkge ge männö ki nyïïmëëe.

Moa Tïïc Nyïïatwieli 17:13

'Ba jø Juuth mo Thecalönika, na wïnyge gø ni luum Jwøk okøp Pøølli yi Beria thuwø, gena ci kaace, ni coonge yïth jiy ni wëëkge lwaae niïïk.

Moa Tïïc Nyïïatwieli 2:10

ki Parijia ki Pampilia, ki Ijep, ki jøøa käl thäŋ Libya na bëën Cayriin, ki wëëlle moa käl Röm, këël jø Juuth ki jøøa løk dëëtge na jø Juuth,

Moa Tïïc Nyïïatwieli 6:5

'Ba luumma caange, lwaak bäre yïthge amïnnö ki gø. Ni jierge Ectipen, ŋat mo ŋäädhe mare dwøŋ døc, ni cwïnye päŋ ki Jwïëc Jwøk na en kur keere, ki Pilip, ki Parököra, ki Nikanör, ki Timøn, ki Parmena, ki Nikööla nyï Antïëk, ŋata løk dëëre dïkwøŋ cøøn na ŋat Juuth.

Galeecia 4:17

Jøøgø ge mwøtha uuni døc, 'ba tier marge patha gïn mo beer. 'Ba ge manynya man køøge u wøk, nou tïmu nou pwøya geni.

Galeecia 6:12

Jøø ni many man nyoothge dëëtge ni marge beer yøø, beege ni many man makge uuni ki teek nou daŋ. Ni tïïcge kaper nee bäŋe luubö mo leth mo caan dëëtge kiper jaadha no odëëdö mar Krictø.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.