Mathiew 23:13 - Wëël Jwøk

¹³ «'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Mathiew 23:13 Iomraidhean Croise

Aydheea 33:14

Jø raay moa en Dhayan, gena lwäyö, ni tïm dëëtge ni kwanynyi, ge na bëëdö ni Jwøk ege wiiø, ni köge, na «?Aŋa dëëtø ni løny jïre ki man bëëde buut maac man wø räänyö; aŋa dëëtø ni løny jïre ki man bëëde buut maac man wø wääŋö na bäre bäre?»

Dhekaraya 11:17

«Otïmö ni leth jï dïkwääy dïëk mo bëëdö ni jääk, ni dïëk ee wiiø! Eni cer cwïïe ki waŋe mana en bäät cwïïe oŋøl ko opëëllö! Cere mana en bäät cwïïe obäp, ni ö waŋe mana en bäät cwïïe ni tïme ni ba rääŋö!»

Mathiew 23:16

«Otïmö ni raac jïïu, u na dïpïëye ma cööye, u wø köö, ‹Ni näk dhaanhø kööŋŋa ŋëët Øt Jwøk Mana Dwøŋ, pere ba leth døc, 'ba ni näk dhaanhø kööŋŋa ŋëët warkey mar Øt Jwøk Mana Dwøŋ, eni gïna kööŋe kipere ba dee wiiø.›

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Mathiew 23:25

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø penya ŋää awal ki ŋää athäänh, 'ba yïthge päŋ ki møt ki rääö.

Mathiew 23:27

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u caala bwör mo orwødhø ki booya mo tar, ni wø nëëni ni mïërö ki wøk, 'ba yïthge päŋ ki cuu jiy mo othøw ki gïï mo reyø bëët.

Mathiew 23:29

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper uuni, uut bwör mo nyïïkuk Jwøk wø geerru geerø ni ŋwaŋŋu bwöc jøøa beyø ni mïërö,

Mathiew 3:7

'Ba kanya ö Jøønni na neen jø Paricith mo thööth ki jø Cajucith ni ge ööa baŋ lwøk na nyuudhi, ena köö jïge, ni «?U na nyïï thwöre en, aŋa na kööm uuni ni bwøgu ki wëër mano ööi?

Luk 11:52

Otïmö ni raac jïïu, u wø caan tiet ciik Jwøk. Kiper muktää man wø jap jöör adïëri ki gø, alwørru. Uuni ki dëëtu, u kär ci yie, ni tïmu nou gëëŋŋa jøøa doo dønyø.»

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Jøøn 9:24

Kanyøgø ŋata näk ocøør acäŋge cwøllø ri rietge ni köge jïre, ni «Pwøc ka Jwøk. Ŋäcwa ni nyenøgø ŋat raay.»

Jøøn 9:34

Ni løkge gø jïre, ni köge, ni «Ïïni, ï nywöla yïth raay. ?Aŋø, wa diï pwönynyö?» Ni putge gø cöör wøk.

Moa Tïïc Nyïïatwieli 13:8

'Ba ajwønnøgø, na näk nyeŋŋe beeye Elima ki dhi Gïrïïk, luum Cøøl ki Barnaba akwiere, ni manynya man maaŋ wï kwäärö nee ba jïëe.

Moa Tïïc Nyïïatwieli 5:28

ni kööe, na «?Aŋø, u kärwa mänö ki man pööu ki nyeŋŋøgø? 'Ba kawaane Jerucalem apääŋŋu ki pwöc maru, nou manynya man kälu rem ŋatøgø bäätwa.»

Moa Tïïc Nyïïatwieli 5:40

Kanyøgø dwøre aleŋge. Ba na nø cwølge nyïïatwieli yi øtø, gena pwötge ni cemge ge nee nyeŋ Jecu ba caange këët, ni wëëkge ge wääth.

Moa Tïïc Nyïïatwieli 8:1

'Ba Cøøl ajïëy ki thøw Ectipen. 'Ba dïcäŋöca caarø mo päl atägö dëët jø acooŋ Jwøk moa en yi Jerucalem. Ni ö jiyi ni keethge ni cige wøk bëët yïth mïëc Judia ki Cameria, 'ba beege nyïïatwieli keerge na dööŋ.

2 Timöthi 3:8

'Ba jøøgø ge wø kweer ka adïëri thuwø, kaamar Jeene ki Jambare na kwier luum Modhe, ni beeye jiy mo wïthge reyø, ni geno kweer ki jöör ŋäädhe.

2 Timöthi 4:15

Gwøk riï thuwø ki eni, kiper eni män døc ki pwöc marø.