Mathiew 22:13 - Wëël Jwøk

¹³ Kanyøgø nyeya aköö jï laaŋe moe, ni ‹Twöyu ceŋŋe ki tiete, ni leeŋu eni wøk yi muudhö, kany wø jwöŋ jiyi yie ni mööta lakge.›

Mathiew 22:13 Iomraidhean Croise

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Daniel 3:20

Køøre eni, jiy møøk moa teek mo ena røk jø leny moe aköömme ki man twöcge Cidarak ki Micak ka Abedenagø kiper nee ge leeŋ yi maa no orubö ni wärri enø.

Mathiew 12:29

?'Ba dhaanhø a dee døny øt ŋat mo teek nidïï kuna twier jap gø, ni näk ŋata teek käre kwøŋ mak ni twöc gø? Køøre nø, eni cøø møn ni twier øt gø.

Mathiew 13:30

Weyu nø, nee døøŋge karge riet këël kanyo cööp ri kac. 'Ba kanyo tïme na kar kac, ocaana jï jø kac, ni «Kwøŋu luum cooŋ ni twöyu gø na wïdhi kiper nee waaŋ, 'ba beel 'moa wär kïthu yo odek mara.» › »

Mathiew 13:42

ni leeŋge ge yi maac mana päl kar ajäla, kany wø jwöŋ jiyi yie ni mööta lakge.

Mathiew 13:50

ni leeŋge jøøa reyø yi maac mana päl kar ajäla, kanyo jwöŋ jiyi yie ni ge mööta lakge.»

Mathiew 24:51

ni pwöt gø ki pöödö mo teek døc, ni kïth gø dï jø atade, kany wø jwöŋ jiyi yie ni ge mööta lakge.

Mathiew 25:30

Ennø, leeŋu laŋŋø manøgø ni bäŋ gïn kønye enø wøk yi muudhö, kany wø jwöŋ jiyi yie ni ge mööta lakge.›

Mathiew 8:12

ni ö wäät bura ni leeŋi wøk yi muudhö, kany wø jwöŋ jiyi yie ni ge mööta lakge.»

Luk 13:28

'Ba kanyøce, nou jootu Eeberam ki Aydhak ki Jeekap ki nyïïkuk Jwøk bëët ni ge ena buc Jwøk, ni uuni ki dëëtu, uuno cöör wøk, uuno jwöŋi ni möötu lagu.

Jøøn 21:18

Adïëri møn, a caana gø jïrï, ni kanya poodï ni ïïna wøp, ï wø ruyö ka abïï, ni ciï kany wø manynyï. 'Ba kanyo jalï, ceŋŋï orwaagï baŋ dhaanhø mør ni kïth abïïnï dëërï, ni kïth ïïni kany mo kärï parø ki man ciï yie.»

Moa Tïïc Nyïïatwieli 21:11

'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› »

Moa Tïïc Nyïïatwieli 7:54

'Ba na wïnyge gïïögø, gena gootø døc ni kaacge lakge kipere.

2 Thecalönika 1:9

'Ba geno ränynyi ki ränynyö mo bäŋ cuŋŋe, ni riem ge wøk nyïm Kwäärö, ni ö teege na näk ree da ajiem ni ba jootge gø këët,

2 Piter 2:17

'Ba jøøgø caala jøør mo bäŋ pïï yïthge, ni ge caala rwöc mo käära apøyaweerø. 'Ba kany mo cøl døc ojiiŋŋø kiperge.

2 Piter 2:4

Kiper nyïïatwiet maal kär wec Jwøki kanya bääcge, 'ba gena leeŋ kar pöödö, ni kïth ge yïth buri mo cøl døc, nee bëëtge yïthge këël mano ŋøl luup marge piny.

Juut 1:13

Ni ge caala athak naama dwøŋ mo reyø døc, ni lään wïc marge oö maal kaamar bööyö mo athage moøgø. Ni ge caala ceer mo wïïrö, jøøa näk kany mo cøl døc ojiiŋŋø kiperge këël na bäre bäre.

Juut 1:6

Ni eni, nyïïatwiet maal moa kwier kwör kööre moge, na wec kanya beer na beetge, awii yi tööc mana näk bäŋ cuŋŋe kany mo cøl døc, këël mano ŋøl luup dïcäŋo dwøŋ.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.