Mathiew 22:11 - Wëël Jwøk

¹¹ «'Ba kanya ö nyeya kuna neen wëëlle, ena jïtö ki dhaanhø mør kaace mo dëëre bäŋ abïï nywöm.

Mathiew 22:11 Iomraidhean Croise

2 Nyeye 10:22

Køøre Jiyu aköö jï ŋat wø koor kar kän mar abïïk lam, ni «Kän wøk ka abïïe jï jiy mo wø tïny Baal bëët.» Ni ö ŋatøgø ni kän wøk ka abïïe jïge.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Wëël Kïmmö 5:22

Kiper ka adïëri møn, waana kwierï, ni gootï ki wa døc.

Jepaniya 1:12

Dïcäŋöca, yi Jerucalem meenya meenyø ki lambae, ni jääla jø wø bëëdö jaak ni wø cäänö ki cwïnyge, ni ‹Wuuö Jwøk bäŋ gïn mo beer wala gïn mo raac mo tïïe!›

Mathiew 13:30

Weyu nø, nee døøŋge karge riet këël kanyo cööp ri kac. 'Ba kanyo tïme na kar kac, ocaana jï jø kac, ni «Kwøŋu luum cooŋ ni twöyu gø na wïdhi kiper nee waaŋ, 'ba beel 'moa wär kïthu yo odek mara.» › »

Mathiew 22:10

«Ni ö laaŋe moøgø ni aage wøk uutjïëthe ni kälge jøøa jootge bëët, ni beege jiy moa reyø ki moa beyø bëët. Ni ö kar nywömmi ni pääŋe ki wëëlle.

Mathiew 3:12

'Ba kwödi mare ena cere, ni eni laara mare ojwiie, ni cooŋ beel moe yo odek. 'Ba lethø owaaŋe ki maac mo ba maar jwöc.»

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 5:3

ni kïth bäätwa kaper nee wa ba joot ni wa cäädhi ka dëëtwa.

Galeecia 3:27

'Ba uuni bëët na lwøk na nyuudhi dëër Krictø, Krictø arøøu dëëtu.

Epeca 4:24

ni bëëdu ki bëëtö mana nyään, na näk ocwääö ni caala bëët Jwøk, na bëëtö mana beer na näk adïëri na en kur keere.

Mana Nyooth 16:15

'Ba Kwäärö ma Jecu aköö, ni «Ka adïëri møn, aano ööi naa caala kuu. 'Ba gwïëth oen jï ŋato bëëdö ni nëënö, ni gwøga abïïne, nee ba cäädhe ki dëëre, nee eni ba joot ni bäŋ abïï dëëre.»

Mana Nyooth 19:8

Ni ena wëëk man kïth dëëre ka abïï mo pøøth, mo tar ni tøŋ.» 'Ba abïïnögø ni pøøth enø beeye gïïa beyø na tïïc jø Jwøki.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 3:18

'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.