Mathiew 21:44 - Wëël Jwøk

⁴⁴ ['Ba ŋato päth bäät kïnnögø opøti ni tïme na thäŋi. 'Ba noo näk mo pätha bäät dhaanhø, ŋatøca oŋiidhe.]

Mathiew 21:44 Iomraidhean Croise

Aydheea 28:13

Kiper manøgønø, dwør Wuuö Jwøk mano caane kiperge otïmö ni bee en, «Tïïyu gïn, ni tïïyu gïn, gwøgu ciik man, ki ciik man; nyi luubö mo thiinh en, maya ice.» Kanyøgø geno aay, ni päänhge no otaare, ni tøcge, ni päthge ya abïëp, ni mak geni ki tøŋ.

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Dhekaraya 12:3

'Ba dïcäŋöca, kanyo ö wïth juurre bëët mo bäät piny noo cooŋge rege ki man tukge Jerucalem, aani, Jerucalem otïïa kaamar kïdi mo peek mo ba løny ki tuk kare jï wïth juurre bëët. 'Ba jiy bëët moo pääny gø ki man tïŋge gø maal, ŋwiili mo leth døc opïï dëëtge.»

Mathiew 21:43

Kiper manøgø nø, a cäänna uuni, ni buc Jwøk okäl wøk ceŋŋu ni wëëgi jø paac mør mo bëëdö ka bëëtö mo orømø ki bëët buc Jwøk.»

Mathiew 21:45

'Ba kanya ö kwääc laam ki jø Paricith na wïnyge luup Jecu moø ni keda leere yøø, ajootge ki cwïnyge ni Jecu geela geni.

Mathiew 26:24

'Ba ennø, Wär Dhaanhø aay keda mana gööri kipere. 'Ba otïmö ni raac døc jï ŋato cïp Wär Dhaanhø ceŋ nyïïmän. Doo beerra eni kiper ŋatøce ki mana ba dii nywølø.»

Mathiew 27:25

Ni dwøgi ya jiyi bëët jïre, ni «Remme ena bäätwa ki nyïïwa.»

Luk 2:34

'Ba gena gwïëth Cimienni, ni kööe jï Meeri na näk mii Jecu, ni «Neenï, nyilaari acïp kiper nee jø Icriel mo thööth päthge, ni kwøw mo thööthi. Ni tïme na ŋïï man car gïï mo reyø dëëre,

Luk 20:18

'Ba jiy moo päth bäät kïnnögø otøyi ni tïmge na thäŋi. 'Ba noo näk mo pätha bäät dhaanhø, ŋatøca oŋiidhe.»

Jøøn 19:11

Ni løgi ya Jecu jïre, ni «Jïrï doo bäŋ teek bääta, onää kär wëëk ïïni ki maal. Kiper manøgønø, ŋata cïp aani jïrï, dwøŋŋa ajälle ki marï.»

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

1 Thecalönika 2:16

kiper mana mänge waani ki man caanwa luum Jwøk jï juurre, nee ge piem. Ni beeye gïï wø tïïcge cooth ni ge meeta raay moge ni thööth. 'Ba ka aŋuudi, wëëc Jwøk arøm dëëtge.

1 Piter 2:8

na «Kïdi mano cwany tiet jiy, na kïnno wëëk ge päänhnhö.» Ni tietge cwanyge kaper na dhalge luubö, kaawat mana kwøŋ geni mëëŋ gø.