Mathiew 21:12 - Wëël Jwøk

¹² Ni ö Jecu ni døny yi kal mar Øt Jwøk Mana Dwøŋ, ni rïëm jøøa gädhö ki jammi wøk bëët yi øt Jwøk, ki jøøa ŋëëö, ni jaal tharabëëte mo jø wø wïïdö ki gwel, ni jaal köömmi mo jø wø gädhö ka akuyi.

Mathiew 21:12 Iomraidhean Croise

Bwøth Wøk 30:13

Gïno cïp ŋati man nø røk jiy moo kwaan beeye thääŋ gwelø mar rumi mana cwøl ni cekel, ni røm na kare ki køør rumi mar kar lam na en kur keere. Ni tïm jammi moøgø ni cïpa jïra, a na Wuuö Jwøk.

Ciik Kiper Dïlämme 1:14

« ‹'Ba ni näk mo olämi mar ŋatøgø mano cïbe jï Wuuö Jwøk beeye olämi man wø waaŋ bäre mo käla røk weny, eni olämi manøgø wär tïme ni lwøre røk atuuy wala røk akuyi.

Ciik Kiper Dïlämme 12:6

« ‹'Ba kanyo thum nïne moo dööŋe ni waany yïthge, køør mana lwaare ki dïcwøø wala nyakøø, eni wär känne ki nyi røømmø ma cwiine aciel no olämi man wø waaŋ bäre, ka atuuk wala nya akuuru no olämi mar wëën raay, ni cïp ge jï dïlämi dho oduŋkaany røømmø.

Ciik Kiper Dïlämme 12:8

'Ba ni näk mo dhaaŋŋøgø cere orëëm ki man cïpe ki nyi røømmø, eni wär cïpe ka atuuy ariiø wala nyïï akuyi ariiø, na aciel olämi man wø waaŋ bäre, ni maya olämi mar wëën raay, nee tïïc dïlämi no okïdi kiper dhaaŋŋøgø. Køøre nø, eni dööŋ ni waany.› »

Ciik Kiper Dïlämme 14:22

ka atuuy ariiø, wala nyïï akuyi ariiø, ni beege moa joode, na aciel olämi mar wëën raay, ni maya olämi man wø waaŋ bäre.

Ciik Kiper Dïlämme 14:30

Køøre dïlämi atuuy wala nyïï akuyi moa joot ŋatøgø wär put cïp no olämi,

Ciik Kiper Dïlämme 15:14

'Ba noo tïme na ri bäc nïne, eni wär lwöte ka atuuy ariiø wala nyïï akuyi ariiø ni ö nyïm Wuuö Jwøk ki geni dho oduŋkaany røømmø, ni cïp geni jï dïlämi.

Ciik Kiper Dïlämme 15:29

'Ba noo tïme na ri bäc nïne, eni wär lwöte ka atuuy ariiø, wala nyïï akuyi ariiø ni kïth geni baŋ dïlämi dho oduŋkaany røømmø.

Ciik Kiper Dïlämme 5:11

« ‹'Ba ni näk mo cere orëëm ki man cïpe ka atuuy ariiø wala akuyi ariiø, eni muuy mare mano cïbe kiper bääyö mare wär cïbe na paac wï møø mana pøøth ni wø en yi rumi mar iipa, ni cïp gø no olämi mar wëën raay. 'Ba eni kär nee kunynya bäät gø ki maaw, ni ba cïp gïn wø jïye ŋwääi ni met bäät gø, kiper eno olämi mar wëën raay.

Ciik Kiper Dïlämme 5:7

« ‹'Ba ni näk mo eni cere orëëm ki man cïpe ki diel, eni atuuy ariiø wala akuyi ariiø wär cïbe jï Wuuö Jwøk no olämi mar bääyö mare kiper raay moa tïïe, na aciel cïp no olämi mar wëën raay, ni ö maya ni cïbi no olämi man wø waaŋ bäre.

Maak 11:11

Ni ö Jecu ni døny yi Jerucalem, ni ci yi Øt Jwøk Mana Dwøŋ. 'Ba na neen jammi bëët, ni cäŋ oløny ni thiinh, ena aay ni døø yi Bethani ki bääge na näk apaar kurriiø.

Luk 2:24

Ni ge ööi kaper nee ge cïpge ko olämi keda mana näk ogöörö yi ciik Wuuö Jwøk, ni «Wär cïpe ka atuuy ariiø, wala nyïï akuyi ariiø.»

Jøøn 2:13

'Ba ajwöm-cam Cäŋa Pööth Thøøe Yie mar jø Juuth kare ocäännö, ni ö Jecu ni ci yi Jerucalem.