Mathiew 21:11 - Wëël Jwøk

¹¹ Ni kö lwaaki, ni «Man beeye nyikuŋ Jwøk ma Jecu nyï Nadhareth na en Galili.»

Mathiew 21:11 Iomraidhean Croise

Mathiew 2:23

Ni cøøe ni bëëde yi päänya cwøl ni Nadhareth, nee mana caan nyïïkuk Jwøki thur kare, na køp, ni «Eno cwøl ni nyï Nadhareth.»

Mathiew 21:10

'Ba kanya ö Jecu na døny Jerucalem, pääny bäre aniïïk, ni köge, ni «?Man aŋa?»

Mathiew 21:26

'Ba noo caanø gø, ni ‹Käla baŋ jiy›, ø lwäär ki lwaak, kiper jiy bëët ojïëy ni Jøøn beeye nyikuŋ Jwøk.»

Mathiew 21:46

'Ba kanya tïmge ni ge manynya man makge Jecu, gena lwäyö ki lwaak, kiper ojïëc lwaaki ni Jecu beeye nyikuŋ Jwøk.

Maak 6:15

'Ba møøk aköö, ni «Beeye Ilaaja.» Ni kö møøki, ni «Ena nyikuŋ Jwøk mo caala nyïïkuk Jwøk moa cääŋŋe.»

Luk 13:33

'Ba a aay ki wäätha dïcäŋi, ki diøø, ka aruunnø man. Kiper nyikuŋ Jwøk ba doo nääö kanymør jaak, ni patha yi Jerucalem.

Luk 24:19

Ni dwøk gø jïge, na «?A gïïa ŋø cøøn?» Ni köge jïgø, ni «Gïr Jecu nyï Nadhareth, ŋat ma nyikuŋ Jwøk na pöö ki pwöc mo met, na tïïö ki tïïe mo døøŋŋø nyïm Jwøk ki nyïm jiy.

Luk 7:16

Ni put lwärri öö bäätge bëët, ni jiemge Jwøk, ni köge, ni «Nyikuŋ Jwøk mo dwøŋ athïïŋ dïïø, ni Jwøk lïïma jiye.»

Luk 7:39

'Ba kanya ö ŋat Paricith manøgø, ni beeye ŋata cwøl gø baŋ cam, na neen gïnögø, ena köö ki cwïnye, «Onää ŋati nyikuŋ Jwøk møn, dhaaŋŋøgø dee ŋääö, na a teeŋ dhaagø mo nyïëdi ni muur gø enø, kiper nyaanøgø ŋat raay.»

Jøøn 1:21

Ni ö geni ni pëënyge gø, ni «?Ïïna ŋa? ?Ïïna Ilaaja?» Ni kööe, na «A patha eni.» Ni köge, ni «?Ïïna nyikuŋ Jwøk mana wäŋŋi?» Ni løk gø, ni «Jïra bäär.»

Jøøn 1:25

Ni pëënyge gøøni, ni «?Ni näk enøgønø, niï patha Krictø, wala Ilaaja, wala nyikuŋ Jwøk mana wäŋŋi, aŋø ni lööï na nyuudhi en?»

Jøøn 4:19

'Ba dhaagø aköö jïre, «Kwäärö, ajooda ni ïïna nyikuŋ Jwøk.

Jøøn 6:14

'Ba na ö jøøgø na neenge ŋïï mana tïïe, gena köö, ni «Ŋati beeye nyikuŋ Jwøk møn, na wäŋŋi ni doo thïïŋö bäät piny.»

Jøøn 7:40

'Ba na wïnyge luupögøøni, jø møøk aköö, ni «Ŋati beeye nyikuŋ Jwøk møn mana wäŋŋi.»

Jøøn 9:17

Køøre gena cäŋ köö jï ŋata näk ocøør, ni «?Ïïni, agïnaŋø noo caanï kiper ŋatøgø kaa mana jap nyeŋŋï enøgø?» Ni kööe, ni «Ena nyikuŋ Jwøk.»

Moa Tïïc Nyïïatwieli 7:37

Ni beeye Modhe manøgø na köö jï jø Icriel, ni ‹Jwøk uuno thïïŋŋe ki nyikuŋ Jwøk røk nyïïmëëgu, kaawat mana thïïŋ aani.›