Mathiew 20:2 - Wëël Jwøk

² 'Ba kanya nø jïëc jø tïïci ki man mäkge ki gwel mo kar dïcäŋ aciel, gena wëëk ciin yi pwöthe.

Mathiew 20:2 Iomraidhean Croise

1 Nyeye 18:12

A kanymør kanyo daa raa buutï, Jwïëc Wuuö Jwøk puta öö ni käl ïïni, ni kïth ïïni kany mo kuua. 'Ba kanyo cøøa noo caana gø jï Akap, no ööe noo ba joot ïïni, eni a pute ka 'näk. Kee ŋäyï ni aani, a na dhaanhnhï en, a bëëdö naa lwär ki Wuuö Jwøk ki mana täga naa poot thiinh.

2 Luup Nyeye 34:3

Kiper kanya tïm cwiiri moe na abära bäät nyec ni eni poot thiinh, ena tägö ki man many Jwøk, Jwø kwari ma Deebit; 'ba na tïm cwiiri moe na apaar kurriiø bäät nyec, jap juuga reyø na en yi Juuda ki yi Jerucalem atääe ki man raany ge, ni beege kwör lam moa no otïïö bäät thuuri, ki jera no ocaa ri jwø wø cwøl na Acara, ki kït gïï wø lam moa näk otieŋø ki moa näk oleenyø.

Luup Dïpööy 12:1

Par wïïï ki eni na cwääc ïïni ki yïth nïr thïnhö moï, kanyo poode ni nïra reyø poodi, ni kar cwiiri poot kär cäännö kanyo kööï, ni «Aani yia ba met ki bëëtö man;»

Mathiew 18:28

«'Ba ŋat tïïc manøgø ki dëëre na aa wøk, ena røømmø ki ŋat tïïc aciel røk jø tïïc mo wø tïïö ki eni ciel, ni tïme ni manynya gwete ma dïpa bäät ŋat tïïc manøgø. Ni mak nyenøgø ki cwaak gø, ni kööe, ni ‹Cool gweta moa en bäätï.›

Mathiew 20:1

«Kiper buya käl maal caala wää pwödhö mo omøøl wøk ka amöölla kuna cääye ki jø tïïö yi pwöthe.

Mathiew 20:13

«'Ba adwøge jï dhaanhø aciel dëëtge, ni ‹Nyawat, bäŋ gïn mo yaa baaø dëërï. ?Aŋø, ï kär jïëy ki dwøra na bëëde niï daa cunnö ki gwel ma kar dïcäŋ aciel?

Mathiew 20:3

'Ba kanya cäŋ døø wøk ki caae abïŋween ka amöölla, jiy møøk acäŋ jootø ni ge cuŋŋö jaak kar ŋïëw.

Mathiew 20:9

«'Ba kanya ö jøøa kïth yi tïïc ki caae abïïc ka abøøya, ŋati man nø rege amooc ki gwel ma kar dïcäŋ aciel.

Mathiew 22:19

Nyuunhnhu aani ki gwelø man wø cïp kiper ajwäk.» Ni känge jïgø ki gwelø.

Mathiew 9:37

Kanyøgø bääge aluumme, ni «Pwödhö aciek døc, 'ba jø tïïc nøk.

Maak 12:15

?Wa doo cïpö, wala kärwa cïpö?» 'Ba na joot atatge, ena köö jïge, na «?Aŋø ni päänynyu aani en? Kännu jïra ki gwelø, nee neena.»

Luk 1:15

Kiper eno tïmö na ŋat mo dwøŋ nyïm Wuuö Jwøk, ni eni ba mädhö ki køøŋ nyïïomøki wala køøŋø mo keec. 'Ba eno bëëdö ni päŋ ki Jwïëc Jwøk na en kur keere, ki mano täge ni ena yi menni.

Luk 10:35

'Ba na näk aruunnø man, akän wøk ki gwel ariiø, ni mëëk ge ŋata en øt wëëlle cere, ni kööe, ni ‹Gwøk eni. 'Ba ni näk moøgø rëëm, ocoola jïrï kanyo duua.›

Luk 20:24

Ni dwøkge gø, ni «Beeye Cidhar.»

2 Timöthi 3:15

kaawat mana kwanyï weet Jwøk na en kur keerge na ööï ki gø ki thïnhö, ni wø løny ki man pwönyge ïïni ki jöör pïëm man piem jiy ki gø ki køør ŋäädhe na en ri Krictø Jecu.

Mana Nyooth 6:6

Ni wïnynya gïnmør mo keda dwøl dï gïïa näk aŋween na kwøw, ni köö, ni «Rumi aciel mar beek wø cwøl ni cïndë ŋeew ka gwel mo röömi ki gät tïïc man wø cool jï dhaanhø ki yi cäŋ, ni beek wø cwøl ni gäbci mo yïth rumme adäk poot ŋeew ka gwel mo caala moøgø. 'Ba kär niï raanynya maaw ki køøŋ nyïïomøki.»

1 Camiel 2:18

'Ba këël na bëëde ni Camiel poot na nyilaal, eni tïïö nyïm Wuuö Jwøk no oruyö ki ëëput mo tïïc ka waac lïïna.

1 Camiel 2:26

'Ba nyilaarø na Camiel enø adøøŋŋø, ni Wuuö Jwøk yie met ki gø; këël jiy thuwø yïthge met ki gø.

1 Camiel 3:1

'Ba nyilaarø na Camiel enø bëëdö buut Ëli ni tïnynya Wuuö Jwøk. 'Ba ki yïth nïreka, bäŋ luup mo thööth mo ocaan Wuuö Jwøki ki dhøk nyïïkuk Jwøk, ni bäŋ luup mo thööth mo ee nyoodhø ki ri lääk.

1 Camiel 3:21

'Ba Wuuö Jwøk acäŋ tägö ki man nyøth ree Cëëlö, ni ree nyøthe ka køør luup mo wø care jï Camiel. Ki køør manøgønø, luup moa car Camielli aput wïnynye jï jø Icriel bëët.