Mathiew 20:19 - Wëël Jwøk

¹⁹ ni cïpge gø ceŋ juurre nee buui, ni pwödi, ni nääi bäät jaadha no odëëdö. 'Ba noo tïme na ri dää nïne eno tïŋ maal ki yi thøø.»

Mathiew 20:19 Iomraidhean Croise

Jööp 30:8

Ge bëëdö ni gena bøøre ni gena jiy mo bäŋ nyeŋge, ni geno rïëm wøk ki yi ŋööm paac.

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Odheea 6:2

Eni dëëtø odwøk kare køør nïne ariiø, ni tïŋ ø maal ri dää nïne, nee ø bëëdø ni ø kwøw nyïme.

Mathiew 12:40

Kiper Wär Dhaanhø ojïti ki nïne adäk ki wärre adäk piny, kaawat mana ö Joona na bëëde yi rëëö ki nïne adäk ki wärre adäk.

Mathiew 16:21

Ki mana täge kar kaace nø, Jecu atägö ki man cään bääge ni eni cøøa Jerucalem ni jwør gïï mo thööth ceŋ jaae ki kwääc laam ki dïpööye mo ciik Jwøk, ni nääi, ni cäŋi tïŋ maal ri dää nïne.

Mathiew 17:23

ni 'näkge gø. 'Ba ki ri dää nïne eno tïŋ maal ki yi thøø.» Ni ö bääge ni päth cwïnyge døc.

Mathiew 27:26

Kanyøgø Baraba apän geni, ni wëëk Jecu pwöt ka alaŋŋa, ni cïp gø nee gur bäät jaadha no odëëdö.

Mathiew 27:63

ni köge, ni «Kwäärö, wïthwa aparwa ki luum dïcuuy manøgø, kanya poode ni kwøw ena köö, ni ‹Køør nïne adäk, a cäŋa ö maal ki yi thøø.›

Maak 14:65

Ni täk jø møøki ki ŋuut bääte ki laaw, ni twöcge nyeŋ gø, ni døøŋge gø, ni ge köö jïgø, «Caan ŋata gøøc ïïni!» Ni käli ya dïkuye ni dhööŋge dhööŋŋö.

Maak 15:1

'Ba na tïme na amöölla cøøn, kwääc laam, ki jaae, ki dïpööye mo ciik Jwøk, ki kwääc løøe bëët, gena cïp piny ki luubö. Ni twöcge Jecu ni bwøthge gø wøk, ni kïthge gø baŋ Paylat.

Maak 15:15

'Ba Paylat na many man mïn yi lwaaki, Baraba apän geni, ni wëëk Jecu pwöt ka alaŋŋa, ni cïp gø nee gur bäät jaadha no odëëdö.

Luk 18:32

Kiper eno cïp ceŋ juurre, ni buui, ni tïïge dëër gø ki gïn mo raac døc, ni ŋuutge bäät gø ki laaw,

Luk 23:11

'Ba Eerat ki jø tøŋ moe Jecu acaange døc ni buuge gø. Køøre dëër gø akïthge ka abïï ma wøp døc, ni wëëk gø dwøk baŋ Paylat.

Luk 24:46

Ni kööe jïge, «Beeye mana näk ogöörö, ni ‹Krictø gïï mo leth ojwøre, 'ba noo tïme na dää nïne, eno ö maal ki yi thøø,

Moa Tïïc Nyïïatwieli 2:23

Jecu manøgø acïp ceŋŋu keda mana kwøŋi ya Jwøki cooŋ ki cwïnye ni ŋääe cøøn, 'ba acïbu ceŋ jøøa kuc ciik Jwøk, ni guru gø bäät jaadha no odëëdö, ni 'nägu gø.

Moa Tïïc Nyïïatwieli 21:11

'Ba na ö baŋwa, kaw mar Pøøl alwøre ni twöc tiete ki ceŋŋe keere ki gø, ni kööe, ni «Man beeye gïna caan Jwïëc Jwøki na en kur keere, ni ‹Wää kaw man en otwöc jø Juuthi mo wø en yi Jerucalem na ennø nø, ni cïpge gø ceŋ juurre.› »

Moa Tïïc Nyïïatwieli 4:27

Kiper ka adïëri møn, yi paani en, Eerat ki Pøntia Paylat, ki juurre ki jø Icriel, gena dwätö ni nywääkge dëër Dhaanhnhï ma Jecu na en kur keere, na näk iï jierø.