Mathiew 20:14 - Wëël Jwøk

¹⁴ Lwør mana näk marï ni aayï. Kiper a manynya man mooa jøøa öö ŋää cään ki teeŋ mana mëëga ïïni.

Mathiew 20:14 Iomraidhean Croise

2 Nyeye 10:16

Ni kö Jiyu, ni «Øøni ø aay na aciel nee gïno tïïa ki cwïnya bäre kiper Wuuö Jwøk nee neenï.» Køøre ena put aay ki eni na aciel ki yi jääy mare man wø tut okweenynyi.

Mathiew 20:13

«'Ba adwøge jï dhaanhø aciel dëëtge, ni ‹Nyawat, bäŋ gïn mo yaa baaø dëërï. ?Aŋø, ï kär jïëy ki dwøra na bëëde niï daa cunnö ki gwel ma kar dïcäŋ aciel?

Mathiew 20:15

?Aŋø, ba løny jïra ki man tïïa gïna manynya ki gïno näk mara? ?Aŋø, cwïnyï ränynyi kaper mana bäth yia?› »

Mathiew 6:16

«'Ba kanyo wäro lämu ki lam-wödö, kär nyeŋŋu døøyu mo can kaawat man wø tïïc jø atade. Kiper geni dëëtge wø wecge wiiø no ocweer nee wödö marge joot jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:2

«Kiper manøgønø, kanyo wäro cïpï ki jammi jï jøøa can, kär kunhnhï ki tuuŋ, kaawat man wø tïïc jø atade yïth uut acook lam ki uutjïëthe, kiper nee ge pwøc jiyi. Adïëri møn, a caana gø jïïu, ni mana doo ci jïge, anø jootge.

Mathiew 6:6

'Ba kanyo wäro lämï, ci yi ødï ni cïëgï odhuulu bäätï ni lämï jï Wäru ni en maal ni wø ba neen. 'Ba Wäru ni en maal, ni wø neet gïn mo kuc, ïïno ŋade.

Luk 15:31

Ni dwøk gø jïgø, ni ‹Wääda, cooth ï wø ena buuta, ni japøgø bëët na 'moa yøø beege moï.

Luk 16:25

'Ba Eeberam aköö, ni ‹Wääda, caar wïïï ki kanya bëëdï piny niï kwøw. Ïïno jäŋ ki jammi mo beyø. 'Ba Ladhara bëëdö ka bëët can yïth jammi mo reyø. 'Ba kawaane cwïnye ee cïp piny kany, ni ïïni, ï ena yi rääm.

Jøøn 17:2

kaa mana wëëgï gø teek bäät jiy bëët, kiper nee cïpe ki kwøw mana näk adïëri mo bäŋ cuŋŋe jï moa cïpï jïre bëët.

Wëëlö Mana Göör Pøølli Baŋ Jø Röm 3:19

'Ba ŋääø ni gïn mo ocaan ciik Jwøki wø cäänna jøøa bëën ciik Jwøk, kiper nee bäŋe dhaanhø mo jaal dhee këët, nee jø piny bäre ba maarge köö ni mana many Jwøki kucge.

Wëëlö Mana Göör Pøølli Baŋ Jø Röm 3:4

Ba doo løny. Jootu joodø, ni Jwøk poot bëëdö kare na adïëri këël jiy bëët doo tïmö ni ge ba maar ŋääth, kaawat mana gööri, ni «Kiper manøgønø, luummï na caanï beeye adïëri, ni tïm marï na kare ki køør luummï noo ŋølï.»