Mathiew 2:6 - Wëël Jwøk

⁶ «ni ‹Ï na Bethelem ni en yi ŋööm Juuda, karï ba thiinh dï mïëc Juuda, kiper bee ïïni noo ö dïbwödhi ki riï, ŋato gwøk jiya ma jø Icriel.› »

Mathiew 2:6 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

2 Camiel 5:2

Dïkwøŋ kanya bëët Cøølli na nyeya marwa, beeye ïïni na bwøth jø Icriel kany wø näk ri leny. 'Ba Wuuö Jwøk aköö jïrï, ni ‹Ï doo bëëdö ni ïïna dïkwääy mar jiya ma jø Icriel, ni tïmï ni ïïna wïth jø Icriel.› »

1 Luup Nyeye 2:51

ki Calma wää Bethelem, ka Arëp wää Bëëth-Gader.

1 Luup Nyeye 5:2

'Ba Juuda atïmö no oteeø døc ki røk uutwänni, ni joot bwödhi ki ree; 'ba dööŋ kar poot ena baŋ wäät Jocep.

Edhera 2:21

jø Bethelem beege jiy ma dïpa aciel ki pïërariiø ka adäk;

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Kwään Jiy 24:19

Eni noo thïïŋ ri jic Jeekap obëëdö na kwäärö, ni raany jøøa näk odööŋ yïth päänye mo nyïïmänge bëët.»

Mathiew 2:1

'Ba kanya lwaarø ki Jecu yi Bethelem na en Judia yïth nïra bëët Eerati na nyeya, da jiy mo wø kwaana ceer ma aöö ki yïth mïëya en jï løø kur tuul-cäŋ, ni öge Jerucalem, ni pëëge,

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Jøøn 21:16

Ni cäŋ köö ri rietge, ni «?Cayman o Jøøn, ï mëër ki aani?» Ni kööe jïgø, «Ŋäyï, Kwäärö, naa mëër ki ïïni.» Ni kö Jecu jïre, «Gwøk dïëga.»

Jøøn 7:42

?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?»

Epeca 1:22

Ni cïp jammi bëët cer gø, ni tïïc gø ni ena wïth jammi bëët kiper acooŋ Jwøk,

Köløcia 1:18

Ni beeye eni na Wïc jï dëël na näk acooŋ Jwøk. Ni beeye eni na nut wïlöölö, ni beeye eni na kwøŋ duu wøk ki yi thøø. Kiper manøgø nø, nee nyeŋŋe tïme ni lïëŋŋa eni dï jammi bëët.

Ibaru 7:14

Kiper ŋäc ni Kwääyø käla dhi øt Juuda. 'Ba kur tuuŋøce bäŋ gïn mo ocaan Modhe kiper dïlämme.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 2:27

keda mana ö Wära na wëëk a teek thuwø.» « ‹Ni ö eni ni dïïm geni ka athøny nywïënyö, ni pööt geni ni keeth ge na thäŋi keda thäk dak mo ogøø piny,›

Mana Nyooth 7:17

Kiper Nyidiel ni en dï thudhi tïmö na dïkwääy marge, ni nyooth geni kwör jøør mo pï kwøw, 'Ba Jwøk pï nyeŋge opwøe bëët.»