Mathiew 2:5 - Wëël Jwøk

⁵ Ni caange gø jïgø, ni «Beeye Bethelem na en Judia. Kiper ogöör nyikuŋ Jwøki na ennø nø,

Mathiew 2:5 Iomraidhean Croise

Wïlöölö 35:19

Kanyøgø Reecal aput thøø ni koonyi jöö mana ci Eeparata na näk Bethelem.

Mathiew 2:1

'Ba kanya lwaarø ki Jecu yi Bethelem na en Judia yïth nïra bëët Eerati na nyeya, da jiy mo wø kwaana ceer ma aöö ki yïth mïëya en jï løø kur tuul-cäŋ, ni öge Jerucalem, ni pëëge,

Mathiew 2:4

Køøre Eerat kwääc laam bëët ki dïpööye mo ciik Jwøk na en dï jiy, acooŋ kanya ciel ni pëëny geni ni kööe, na «?A kaa na di Krictø nywølø yie?»

Jøøn 7:42

?Kär caan wëël Jwøki na bëëde, ni Krictø doo käla ri nyïïkwaac Deebit, ni doo öö ki yi Bethelem, paana kwøŋ Deebiti bëëdö yie?»

Jøcua 19:15

'Ba ŋöömö marge rwöpa päänye apaar kurriiø ka atude moge moa en buutge, ni nyeŋ päänye møøk dïge beege Kathat, ki Nalal, ki Cimrön, ki Yidala, ki Bethelem.

Pïëmme 17:7

'Ba da nyen mør mo poot na wøp mo bëëdö Bethelem na en Juuda, ma tuuŋ ki jø Juuda, ma tuuŋ jø Libay; 'ba eni bëëdö Bethelem na wëëllö.

Ruuth 1:1

'Ba kanya bëët jø Icrielli tiet jøøa bëëdö na pïëmme, dï paac ajïtö ki meel. Ni ö nyen mørri ma ŋat Bethelem na en yi ŋööm Juuda ni aa po jø Möap kuna bëëde yie na wëëllö, ni beeye eni ki cïïe ki wääte karge riet.

Ruuth 1:19

Køøre gena aay karge riet këël mana pïïcge Bethelem. 'Ba kanya pïïcge Bethelem, paac bäre anitïŋŋa kiper pïï marge. Ni kö määnni, ni «?Man a Naømi møn?»

Ruuth 2:4

Kar kanyøgønø, Böeeth aöö ki Bethelem, ni määth jø kac ni kööe, ni «Met ec mar Wuuö Jwøk bëëde ki uuni.» Ni løkge gø, ni «Gwïëth mar Wuuö Jwøk bëëde ki ïïni.»

Ruuth 4:11

Køøre jøøa en dhi kiir kar acooŋa bëët ki jø døøŋŋø aköö, ni «Wa tïmö ni waana jiy mo ŋäc luummögø møn. Beerra man ö Wuuö Jwøki ni tïïc dhaagø mano ö paarï enø ni caala Reecal ki Liia, mään moa na ariiø na nyaac dhi øt Icrielli ki rege. Ïïno tïmö na dhaanhø mo okwär, ni wïny nyeŋŋï yi Eeparata na näk Bethelem.

1 Camiel 16:1

'Ba Wuuö Jwøk aköö jï Camiel, «?A këël yi wäne nø, noo bëëdï niï kïmmö kiper gïna tïïc Cøølli, ni këël aani ki dëëra kiree Cøøl yaa nø kwier ki man bëëde na nyeya bäät jø Icriel? Ennø, ï jääŋŋa jääŋŋö baŋ Jeci nyï Bethelem, kiper aano nø jëëtö ki nyeya røk wääte. Tuuŋ man wø käär maar rööny ki gø, pääŋ yie ki maaw, ni ciï baŋe.»