Mathiew 2:2 - Wëël Jwøk

² «?Na age ŋata nywöli na nyeny jø Juuth? Kiper cëënynye ajootwa ki jï løø kur tuul-cäŋ, ni beeye tiere ni öwa en nee eni wøørwa.»

Mathiew 2:2 Iomraidhean Croise

Aydheea 60:3

'Ba wïth juurre oö yi tar marï, ni ö nyeye ni öge yi däär tar marï mano rieny.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 30:9

'Ba geno bëëdö ni ge tïnynya aani, a na Wuuö Jwøk, Jwøk marge, ki nyeya marge ma Deebit, ŋato thïïŋa jïge.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Kwään Jiy 24:17

«Ŋato ööi anø jooda, 'ba öönynye patha ennø; ni eni nëënö jïra, 'ba kare ba cään. Nyeya othïïŋ ri jø Icriel, ni caala cëërö mo pøn ri jic Jeekap; ni ö eni ni gøøc jø Möap ki kare bäre, ni dïïr wïthge, ge na näk jø okiera.

Mathiew 2:3

'Ba kanya ö nyeya ma Eerat na wïny gïnögø, cwïnye apädhö këël jø Jerucalem bëët.

Mathiew 21:5

ni «Køpu jï jø Dhayan, ni ‹Neennu, nyenynyu ni ö baŋu. Eni mwöl, ni eni cäädhi ka bäät arëën, ni beeye nya arëën, nyi lään wø tïët jammi.› »

Mathiew 27:11

'Ba Jecu akäl nyïm kwäärö ma Paylat. Ni ö kwäärö ni pëëny gø, ni «?Bee ïïni na nyeny jø Juuth?» Ni dwøgi ya Jecu jïgø, na «Acaanï na kare.»

Luk 19:38

Ni köge, ni «Gwïëth en ri nyenynyi ni ööi en ki nyeŋ Wuuö Jwøk! Bëët-mëër en maal, ni ö ajiemmi ni en maalø bäre!»

Luk 2:11

Kiper dïcäŋi Pïëmi anywøl jïïu yi po Deebit, ni beeye Krictø na näk Kwäärö.

Luk 23:3

Kanyøgø ena pëëny Paylati, ni «?Bee ïïni na nyeny jø Juuth?» Ni løk gø jïre, na «Acaanï na kare.»

Luk 23:38

'Ba kaace thuwø da luup mo ogöörö maal wïïe, ni «Ŋati en beeye nyeny jø Juuth.»

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 12:13

Kanyøgø gena käädö ki bäät tuue ni cige kuna røømge ki eni, ni ge rëëdö, ni «Odhaana! Pwøc en jï Jwøk! Gwïëth en ri ŋat ööi en ki nyeŋ Wuuö Jwøk, ni beeye na Nyeny jø Icriel.»

Jøøn 18:37

Ni kö Paylati jïre, «?Aŋø, ïïna nyeya nø?» Ni løgi ya Jecu jïre, na «Acaanï na kare ni aana nyeya. Ni beeye na nywöl a kipere, ni beeye gïna ööa piny kipere, naa køpa gïr adïëri. 'Ba jiy bëët mo wø en ra adïëri, dwøra wø leŋge leŋø.»

Jøøn 19:19

'Ba Paylat agöödö ki luubö, ni kïth gø wï jaadha no odëëdö. Ni luumma gööre beeye en, «Ŋati en beeye Jecu nyï Nadhareth na näk nyeny jø Juuth.»

Jøøn 20:28

Ni puti ya Tøma løk jïre, «Wui, bee ï na Kwääya, ni bee ï na Jwøa.»

Jøøn 5:23

kiper nee jiy bëët tïmge ni ge wøøra Wäädö, kaawat man wø wøørge Wuuö. 'Ba ŋat wø ba wøør Wäädö, Wuuö na jääŋ eni ba wøøre thuwø.

Jøøn 9:38

Ni kööe, ni «Kwäärö, aana jïëy ni ŋäädha.» Ni wøør gø.

Ibaru 1:6

'Ba kanya käl wääde na näk kaa piny, ena köö, ni «Beerra man ö nyïïatwiet maalli mo Jwøk bëët ni wøørge eni.»

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»