Mathiew 2:16 - Wëël Jwøk

¹⁶ 'Ba kanya nø jooti Eerati ni eno cøøk jøøa kwaan ceer, wïïe ree anoode ki wëër, ni jääge ki jiy, ni ö obwöc cwøw bëët moa en Bethelem ki mïëya en deŋ paanøgø bëët ni nääi, ni beege obwöre moa näk cwiicge oriewi, ki moa käl køørge, ni cwiiri moøgø kwaane ka køør mana wïnynye dhøk jø wø kwaan ceer kanya pëëny ge.

Mathiew 2:16 Iomraidhean Croise

Wïlöölö 39:14

eni jø wø tïïö yi øtø acwøle ni kööe jïge, «Neennu, nyï Ibaru akäl kany nee ø pääde. Ena ö baŋa ki man bute ki aani; 'ba aana köök ki dwøl mo päl.

Wïlöölö 39:17

Køøre gïnögø acaane jï cwøre ni kööe, «Laŋŋa näk nyï Ibaru na kälï dïwa aö baŋa naa pääde.

Wïlöölö 49:7

Acïën Jwøk en bäät wëër marge, kiper gena wëër ki wëër mo teek døc; ni ö ajäla mare ni en bäät wëër marge na raac. Geno pääŋŋa yi ŋööm Jeekap, ni keetha geni dï jø Icriel.

2 Nyeye 8:12

'Ba Adhaël aköö, na «?Awuuö, ï jwöŋï kiper ŋø?» Ni løgi ya Ilaaca jïre, ni «Beeye kiper mana ŋääa gïïo reyø noo tïïyï dëët jø Icriel, noo waaŋï kwör gwøk røk moge moa teek, noo 'nägï jiy moge moa näk poot na wøpe ko opëëllö, noo gøyï obwöre moge ki piny, noo rietï yïth mään moge moa näk yïthge da jiy.»

Jööp 12:4

«Aana tïmö na gïr ŋeethø jï nyïïawääta, ni beeye aani ni wø pëëny Jwøk ni duunne jïra, ŋata bëëtö mare tiir na näk ba bääö atïmö na gïr ŋeethø.

Pwöc Leec Wïc 28:15

Ŋat mo raac mo bëëdö na kwäärö bäät jøøa can caala ŋuu man wø ŋäri, ni caal odïëk mo owär.

Pwöc Leec Wïc 28:17

Ŋat mo dëëre da kwör dhaanhø mo rem gø ee køny piny bëëdö ni bëënna böö këël aŋuun thøø mare; eni, kär dee ŋat køny gø.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 59:7

Tietu ŋwieya køør gïïa reyø, ni u wø lääta baŋ køny rem jøøa beyø piny. Acaare mou beege acaare mo reyø, ni uutjïëthe mo wø caathu bëët, u temma gïï mo leth ka aranya.

Daniel 3:13

Kanyøgø Nabukedenecör dwøl aput cïp, ni eno wëër ni cwïnye okëënynyö, ki man øøm Cidarak, ki Micak, ka Abedenagø; køøre jøøgø akïth nyïme, eni na nyeya.

Odheea 10:14

Kiper manøgønø, okiera mar leny tägö dëët jø pou, ni ö kwör leny mou moa teek ni raanynyi, kaawat mana ö Calmen na raany Bëëth-Arbel ri leny, kanya ö mëëe na nyadhi na aciel ko obwöre moge.

Kwään Jiy 22:29

Ni kö Beelammi jï arëën, ni «Beeye kiper mana kwäägï bääta. Doo naa cera da opëëllö, ï daa nää ennø.»

Kwään Jiy 24:10

Køøre Balak awëër døc ki Beelam, ni teeŋ ceŋŋe; ni kö Balaki jï Beelam, ni «Ïïna cwøla nee nyïïmän 'moa cienï. 'Ba ennø, ï poot gwïëtha geni kwöre moi na adäk ii.

Mathiew 2:1

'Ba kanya lwaarø ki Jecu yi Bethelem na en Judia yïth nïra bëët Eerati na nyeya, da jiy mo wø kwaana ceer ma aöö ki yïth mïëya en jï løø kur tuul-cäŋ, ni öge Jerucalem, ni pëëge,

Mathiew 2:17

Kanyøgønø, gïna caan nyikuŋ Jwøki ma Jeremaya athur kare, na køp,

Mathiew 2:7

Kanyøgønø, jø wø kwaan ceer acwøl Eerati ka atade, ni pëëny ge døøc, na «?A yi wäne na nëën cëëyögø?»

Mana Nyooth 12:4

Ni gøøc dää thäk ceec maal ki jïbe ni lëëŋ ge piny. Ni ö thwörögø ni cuŋŋe nyïm dhaaŋŋa kare cään ki lwaar, nee nyi gø løønye kanyo lwaare ki gø.

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Pïëmme 16:10

Køøre Delila aköö jï Camcøn, ni «Neenï, aana nø cøøgï ni cäänï ki tööt. Ennø, akwaya ïïni, caanï jïra; ?gïn mo løny ki man twöc ïïni ki gø agïnaŋø?»