Mathiew 2:13 - Wëël Jwøk

¹³ 'Ba kanya nø døø jø wø kwaan ceer poge, nyïïatwiel maal mar Wuuö aö bäät Jocep ki yïth lääk ni kööe, ni «Ö maal ni lwørï nyilaal ki menni ni reŋŋï Ijep, ni bëëdï kunöce këël kanyo dee gïn caana jïrï. Kiper Eerat tïmö ni manynya kar nyilaal nee nyilaal nääe.»

Mathiew 2:13 Iomraidhean Croise

1 Nyeye 11:17

Kanyøgø beeye kanya ö Adati na reŋ Ijep, ni eni reŋi na aciel ki jø Ëdöm møøk mo tïïö tier wänni. 'Ba kar kaace, Adat poot na nyilaal mo thiinh.

1 Nyeye 3:5

'Ba kanya en Cølömanni Gibien, Wuuö Jwøk ree anyoodhe jïre ki yïth lääk ki wäär; ni kööe jïre, ni «Pëëny gïna manynyï nee cïba jïrï.»

Jööp 33:15

Kany wø tïme na wäär ni jiy obutö døc kwör niine moge, Jwøk cäänö ki jiy ki yïth lääk ki ri jammi mo wø nyooth ki yi wïc ki wäär,

Jööp 33:17

ni mare duu geni wøk ki uutjïëthe moge na reyø, ni mäna geni ki bëët atöör;

Bwøth Wøk 1:22

Køøre Peerø jiye bëët aceme, ni kööe, ni «Nyilaal mo onywølø na dïcwøø jaak røk jø Ibaru wär leeŋu yi naam, ni weyu nyakøø ni kwøw.»

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 10:23

'Ba kany wäro caange uuni yi paac aciel, wär reŋŋu yi paac mør. Kiper adïëri møn, a cäänna uuni ni mïëc Icriel bëët ba dou thöörö ki caath, ni Wär Dhaanhø poot kär öö.

Mathiew 2:12

'Ba kiper mana tïme ni geno kööm Jwøki ki yïth lääk, ni kärge døø baŋ Eerat, gena aay ki jöö mør ni døøge poge.

Mathiew 2:14

Kanyøgønø, Jocep aput ö maal ni lwør nyilaal ki mii gø ki wäär ni put aa Ijep.

Mathiew 2:16

'Ba kanya nø jooti Eerati ni eno cøøk jøøa kwaan ceer, wïïe ree anoode ki wëër, ni jääge ki jiy, ni ö obwöc cwøw bëët moa en Bethelem ki mïëya en deŋ paanøgø bëët ni nääi, ni beege obwöre moa näk cwiicge oriewi, ki moa käl køørge, ni cwiiri moøgø kwaane ka køør mana wïnynye dhøk jø wø kwaan ceer kanya pëëny ge.

Mathiew 2:22

'Ba kanya wïnynyi Jocepi ni Arkelia odööŋ Judia na kwäärö kar wänni ma Eerat, ena lwäyö ki ciin kaace. 'Ba kiper mana näk eno kööm Jwøki ki yïth lääk, ena daa Galili.

Moa Tïïc Nyïïatwieli 10:22

Ni köge, ni «Waani, wa jääŋŋa Körnilia ma wïth lwaa dïkuye ma dïpa, mo ena dhaanhø mo beer ni lwäär ki Jwøk, ni eni wø pwøc jø Juuthi pwøø bëët. Eni, ena nyuunh nyïïatwiel maalli mør na en kur keere na mar Jwøk kiper nee jääk baŋï niï ööï paare, kiper nee luupo caanï wïnynye.»

Moa Tïïc Nyïïatwieli 10:7

'Ba na nø aac nyïïatwiel maalli mana cäänö ki eni, eni jiy ariiø røk jø tïïc moe acwøle, ki dïkuri aciel mo cwïnye ena køør Jwøk dëët jø wø tïny gø.

Moa Tïïc Nyïïatwieli 12:11

Ni ö Piterri ni put dëëre ŋäc ni kööe, ni «Kawaane, ajooda na adïëri møn, ni Wuuö nyïïatwiel maal mare ajääŋŋe ni piem aani cer Eerat, ki luupa näk ocooŋ jø Juuthi bëët ki cwïnyge.»

Moa Tïïc Nyïïatwieli 12:7

'Ba kanyøgø nyïïatwiel maal mør mar Wuuö aput öö, ni ö tarri ni meeny yi øda bëëde yie. Ni gween Piter ki tier-buut gø ni jiec gø, ni kööe, ni «Laar ö maal!» Ni ö oguudi ni päthge piny ceŋŋe.

Moa Tïïc Nyïïatwieli 16:36

Ni ö kwääy øt twöci ni caan luupögø jï Pøøl, ni kööe, ni «Kwääri aöönnö, nou wec ni aayu. Kiper manøgønø, ööu wøk ni aayu ki met ec.»

Moa Tïïc Nyïïatwieli 5:19

'Ba na tïme na wäär, nyïïatwiel maal mør mar Wuuö odhuuth øt twöc ajabe ni käl geni wøgø, ni kööe,

Moa Tïïc Nyïïatwieli 7:19

Ni tïïc jø pøø ka amala, ni mak kwäyø ki teek nee nyïïge wetge, kiper nee ba bëëtge ni kwøw.

Jøcua 3:13

'Ba dïlämme moo biel acanduk mar Wuuö Jwøk na näk kwääc piny bäre, kanyo tïm tietge ni këëta yïth pï Naam Jördan, pï Naam Jördan puta niŋul, ni ö pïïyi mo wø kwönni ki kwöra en maal ni cuŋge kaamar gïï mo ocooŋ kanya ciel.»

Jøcua 3:17

'Ba dïlämme moa biel acanduk man wø nyooth luumma tuut Jwøki ki jiy na näk mar Wuuö Jwøk, gena cuŋŋö kany mo otal dï Naam Jördan; ni ö jø Icrielli bëët ni putge ŋut løøga ni ge cäädhi ka kany mo otal, këël mana ö wïth tuŋi bëët mo jø Icriel ni putge thum løø Naam Jördan løøga.

Jøcua 4:10

'Ba dïlämme moa biel acanduk, gena put bëëtö ni ge cuŋŋö dï Naam Jördan këël mana thum jammi bëët ki tïïc, ni beege jammi bëët moa ö Wuuö Jwøki na kööm Jøcua ki ge nee caane jï jiy. 'Ba jammi bëët atïïcge na karge kaawat mana ö Modhe na kööm Jøcua. Køøre nø, jiy bëët aput ŋut løøga ni ge rwäänhnhö.

Jøcua 4:18

'Ba kanya tïm dïlämme moa käär acanduk man wø nyooth luumma tuut Jwøki ki jiy na näk mar Wuuö Jwøk, ni ge ööa wøk ki dï Naam Jördan, kanya tïm tietge ni këëta kanya no otal ennø, pï Naam Jördan aput døø karge, ni put døø ri kwödö ki deŋŋe manøgø bäre kaawat mana bëëde dïkwøŋ.

Mana Nyooth 12:14

'Ba dhaaŋŋøgø omooø ki bwöp coor mana dwøŋ karge riet, kiper nee määt paap kiper thwöl, kanya dii caamø yie dïciel ki cwiiri adäk ki thääŋö.

Mana Nyooth 12:4

Ni gøøc dää thäk ceec maal ki jïbe ni lëëŋ ge piny. Ni ö thwörögø ni cuŋŋe nyïm dhaaŋŋa kare cään ki lwaar, nee nyi gø løønye kanyo lwaare ki gø.

Mana Nyooth 12:6

Ni ö dhaage ni reŋ paap, yi kanya näk ojiiŋ Jwøki kipere, kanya dii caamø yie ki nïne ma kuma aciel ki dïpe ariiø ki pïërabïciel.