Mathiew 2:11 - Wëël Jwøk

¹¹ 'Ba kanya dønyge yi øtø, nyilaal ajootge ki menni ma Meeri, ni këëlge cøŋge piny ni wøørge gø. Kanyøgønø, opïri moge ajapge, ni moocge eni ki muuce, ni beege warkey, ki mädhi mo ŋwääö ni met ma teeŋi.

Mathiew 2:11 Iomraidhean Croise

Wïlöölö 43:11

Køøre wääge ma Icriel aköö jïge, «Ni näk ma enøgønø, tïïyu gïn. Lwötu ki gïï mo perge leth dï paac kany, teeŋ ka riie mo ŋwääi ni met, ki nyïïjenni mo beyø mo di camø, ki maar kïc mo thiinh, ni kïthu ge yïth opïri mou, ni kääru ge na muuce jï nyenøce.

1 Nyeye 10:10

Køøre nyijøøgø aput cïpö jï nyeya ki warkey ma rumme ma kikarri ma dïpa ki pïërariiø, ki teeŋ gïï wø ŋwääi ni wø tïïc kadø ni met mo thööth døc, ki nyeŋ kïte mo mïërö mo perge leth mo thööth. 'Ba bäŋ gïï wø ŋwääi ni wø tïïc kadø ni met mo ocäŋ käl po nyeya këët mo caala moa käl nyijøøgø na nyeny Cïïba enø jï nyeya ma Cølöman.

1 Nyeye 10:2

Køøre nyijøøgø aö yi Jerucalem ni käädö ki lwaak mo päl døc, ka athïrööle mo tïëdö ki gïï wø ŋwääi ni wø tïïc kadø ni met, ki warkey mo päl døc, ki nyeŋ kïte mo mïërö mo perge leth. 'Ba kanya pïïe baŋ Cølöman, Cølöman apëënynye ki luup bëët moa en cwïnye.

Bwøth Wøk 30:23

ni «Lwötï ki gïï mo ŋwääö ni met; ni beege dwøø mo poot jööm mar jaadha cwøl ni kerbëë ma rumme ma dïpe abïïc mar rumi mana cwøl ni cekel, ka apøk jaath man wø ŋwääi ni met ma rumme ma dïpe ariiø ki pïërabïïc mar rumi mana cwøl ni cekel, ki teeŋ thieŋ mo wø ŋwääi ni met ma rumme ma dïpe ariiø ki pïërabïïc mar rumi mana cwøl ni cekel,

Bwøth Wøk 30:34

Køøre Wuuö Jwøk acäŋ köö jï Modhe, ni «Lwötï ki gïï wø waaŋ ni wø ŋwääi ni met, ni beege teeŋ dwøk moa cwøl ni natap, ki cekëëleth, ki kelbena, ki teeŋ dwøø maya mana tar døc mana cwøl ni leböna; ni lwør ni röömi ki røkge bëët.

Obeec Dudi 3:6

Wui! ?Man aŋøøni ni ööi ki dï paap, ni ree wenyø kaamar jïrö en, ni ŋwäänynye met kaamar teeŋ jer wø jïcge ŋwääi ni met ni wø jääp dïgäthe?

Aydheea 60:6

'Ba athïrööle mo thööth ŋöömö marï opääŋge, ni beege athïrööle moa therø mo jø Midien ki jø Gëpër. 'Ba jø wø en Cïïba bëët geno ööi ni ge käädö ki warkey ki jer wø jïcge ŋwääi ni met, ni ge pwøya Wuuö Jwøk ni ge køpa luubö mo nyään mo met.

Ciik Kiper Dïlämme 6:15

Køøre dhaanhø aciel rege lwötö ri møø mana pøøth mar muuy mar møk beel ni kuure ka maaw ki yi cere ni päŋ, ni dwal gø ki gïn wø jïye ŋwääi ni met na no ocïp bäät muuy mar møk beel manøgø, ni ö eni ni waaŋ geni bäät gïn wø cïp olämme bääte na gïr par wïc man wø ŋwääi ni met jïra, a na Wuuö Jwøk.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Kwään Jiy 7:14

Ni cïpe ka apaal warkey aciel mo peek mare beeye rumme apaar mar rumi mana cwøl ni cekel, mo yie päŋ ki gïn wø jïye ŋwääi ni met;

Kwään Jiy 7:86

Apät warkey moa näk apaar kurriiø mo yïthge päŋ ki gïna näk jïye ŋwääi ni met, peek marge beeye rumme ma dïpa ki pïërariiø mar rumi mana cwøl ni cekel, na apaal man nø peek mare beeye rumme apaar mar rumi mana cwøl ni cekel, no orømø na kare ki køør rumi mar kar lam na en kur keere.

Mathiew 1:18

'Ba lwaar mana lwaarø ki Jecu Krictø ki gø, na täge, tägi na ennø nø. Menni ma Meeri onø miek jï Jocep nee nywøme. 'Ba kanya poode ni dëëtge poot kärge joodø, ena joot ni yie da dhaanhø mo cïpa Jwïëc Jwøki na en kur keere.

Mathiew 12:46

Kanyøgønø, kanya poode ni Jecu cäänö ki jiy, menni ki nyïïmenni cuŋŋö wøk, ni ge manynya cäänö ki eni.

Mathiew 14:33

Ni ö jøøa en yi jääyi ni wøørge eni, ni köge, na «Adïëri møn, bee ï na O Jwøk møn.»

Mathiew 2:10

'Ba kanya jootge cëëyögø, yïthge amïnnö ki mïnnö mo dwøŋ døc.

Mathiew 2:2

«?Na age ŋata nywöli na nyeny jø Juuth? Kiper cëënynye ajootwa ki jï løø kur tuul-cäŋ, ni beeye tiere ni öwa en nee eni wøørwa.»

Luk 2:16

Ni cige ni ge rwäänhnhö, ni jootge Meeri ki Jocep, ki nyilaal no opïël yi pöö.

Luk 2:38

'Ba yi caannøgø ena ö maal ni pwøc Jwøk, ni caan gïr nyilaal jï jiy bëët, jøøa køc kanyo piem Jerucalem yie.

Jøøn 19:39

'Ba Niködima na kwøŋ ö baŋ Jecu ki wäär, aöö ni käla jer wø ŋwääi ni met mo orubö mo jïtö ki kïïle ma pïëradäk.

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 5:8

'Ba na nø lwør wëëlö, gïïa kwøw karge ŋweeni ki jaae na näk pïërariiø kurŋween gena päth nyïm Nyidiel, ni ŋati man nø cere da thoom ki kuura ma warkey mo päŋ ki gïï wø jïcge ŋwääi ni met, na näk laam mo jø Jwøk.

1 Camiel 10:27

'Ba jø møøk mo wïthge reyø aköö, «?Aŋø, nyenøgø jøw piem gø nidïï?» Ni putge Cøøl taak, ni kärge cïpö jïgø ki muuce. 'Ba Cøøl alïŋö jaak.