Mathiew 19:9 - Wëël Jwøk

⁹ 'Ba a cäänna uuni, ni ŋat wäro kwier cïïe ni paa kiper käp, ni nyöömme ki dhaagø mør, mare beeye luk.»

Mathiew 19:9 Iomraidhean Croise

Wïlöölö 20:3

'Ba Jwøk aö bäät Abimëlëk ki yïth lääk ki wäär, ni kööe jïgø, «Ennø, kee ïïna dhaanhø mo othøw kiree, kiper dhaaŋŋøgø na lwørï enøgø beeye dhaagø mo da cwøre.»

2 Luup Nyeye 21:11

'Ba Jöram ena tïïö thuwø ki kwör lam bäät thuuri mo Juuda, ni bwøth jø Juuda ki jø Jerucalem ki man gaage wøk køør juu møøk kaawat man wø tïïc dhaaŋ paaci mo rïïŋö køør käp.

Jeremaya 3:1

'Ba Wuuö Jwøk aköö, «?Ni näk mo dhaanhø cïïe ee kwierø, ni ö dhaaŋŋøgø ni aae, ni ci jï dhaanhø mør, dïcwøønnøgø doo cäŋa døø baŋ dhaaŋŋøgø? ?Aŋø, ŋöömmo tïïc teeŋ gïnögø yie ba raanynyi na bäre bäre? 'Ba ï na Icriel, ï bëëdö kaamar kääbi ni wø mëër ki cwøw mo thööth. ?A ennø, ï doo duua baŋa?

Jeremaya 3:8

'Ba ki køør bëët käp mar Icriel, eni na caal dhaagø mo cwïnye ogaa wøk, ena riemma, kaawat man wø ö dhaanhe wø göön cïïe ki wëël apääk; 'ba ajooda ni coki ma Juuda na raac kär lwäyö, ni ö eni thuwø ni bëëde ni tïïya tïï käp.

Edhikiel 16:15

« ‹'Ba ïïna tïmö niï ŋäätha mïërö marï, ni tïïyï wïny nyeŋ marï ni beeye jöö man gathï dëërï ki gø ki käp. Ïïna tïmö ni marï buut ki ŋat wø ö baŋï jaak, ni tïm mïërö marï ni beeye kiper käp.

Edhikiel 16:29

Ïïna käbö døc thuwø ki jø Babiløn, jø wø bëëdö na jø gath, 'ba këël na tïïyï manøgø thuwø ïïna cäŋ bëëtö ni iï poot ba thum.› »

Edhikiel 16:8

« ‹Køøre na cäŋa cur buutï na raŋa ïïni, ïïno nø pïï ri cwiic nywöm. Kanyøgø abïï mara aputa peer bäätï ni buŋa dëërï ki gø kiper wääth dëël marï; ni kööŋa ki man nywøma ïïni ni tuda ki luubö ki ïïni, ni putï tïmö ni ïïna thööŋŋa. Luummögø caana aani, a na Kwäärö Wuuö Jwøk.

Mathiew 19:10

Kanyøgø bääge aköö jïre, ni «Ni näk bëët dhaanhø ki cïïe beeye enøgønø, beerra man ba nyööm dhaanhe.»

Mathiew 19:8

Ni kööe jïge, ni «Kiper mana teek cwïnynyu beeye na ö Modhe na wëëk uuni apääk ki määru. 'Ba ki mana täge ki kanya cwääc piny, kär tïïö na enøgønø.

Mathiew 5:32

'Ba aani, a caana gø jïïu, ni ŋato wäro kwier cïïe jaak, ni paa kiper käp, tïïya cïïe na ŋat luuy. Ni ŋato wäro nywøm dhaagø mo opääö ki cwøre, mare luk ki gø.

Luk 16:18

«Ŋato wäro kwier cïïe ni cäŋ nyöömmö ki dhaagø mør, mare luk. Ni ŋato wäro nywøm dhaagø mo opääö ki cwøre, mare luk.

1 Körin 5:1

Wui, akøp ni da käp dïïu, mo teeŋe kär kwøŋ joot këël dï jøøa kuc luum Jwøk na bäre bäre. Kiper akøp ni da dhaanhø mo bëëdö ka cï wänni.

1 Körin 7:39

'Ba dhaagø wø bëënna cwøre kany wø poot cwøre ni kwøw. 'Ba ni näk mo cwøre othøw, ni dhaagø yie met ki man nywømi, eni doo nywøm ŋata manynye. 'Ba eni doo nywøma dïcwøø mo ena ri Wuuö.

1 Körin 7:4

Kiper dhaagø bäŋ wø bëën dëëre keere, 'ba bëënna cwøre. Ni dïcwøø thuwø bäŋ wø bëën dëëre keere, 'ba bëënna cïïe.