Mathiew 19:28 - Wëël Jwøk

²⁸ Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Mathiew 19:28 Iomraidhean Croise

1 Nyeye 18:31

'Ba Ilaaja alwötö ki kïte apaar kurriiø ki køør kwään wïth tuŋi mo wäät Jeekap, ŋata ö dwør Wuuö Jwøki bääte na kö Wuuö Jwøki, ni «Nyeŋŋï ocwøl ni Icriel.»

2 Luup Nyeye 9:19

'Ba da gïï ma apaar kurriiø mo caala ŋuuwe mo otïïö ni cuŋŋö bäät kwör tiel moa na abïciel, ni bäät kar tielø man nø løøi ki løøi da ŋuu mo cuŋŋö bääte. 'Ba bäŋ teeŋ wälu mo caala manøgø cøøn mo otïïö yi buc nyec mør.

Edhera 6:17

'Ba olämme moa cïpge kiper nee Øt Jwøk manøgø cïp kur keere na mar Jwøk, beege rwädhe ma dïpa, ki nyöök rööm ma dïpe ariiø, ki nyïï rööm ma dïpe aŋween. Ni cïpge ki nyöök atëëe apaar kurriiø no olämme mo wø cïp kiper raay mo jø Icriel bëët, ni kwäänge opäärö ki kwään wïth tuŋi mo jø Icriel.

Bwøth Wøk 15:27

Køøre gena ö Ëlim kany mo yie da jøøre mo pïï ma apaar kurriiø ki twöe ma pïërabïriiø, ni putge tïïö ki twïër buut pïï kaace.

Bwøth Wøk 24:4

Ni ö Modhe ni göör luup piny bëët moa caan Wuuö Jwøki. Køøre ena ö maal ka amöölla cøøn, ni cøøe ni tïïe ki gïn wø cïp olämme bääte tier kïdi, ni tïïc gø ki kïte apaar kurriiø mo ee cwöth piny ni ee päärö ki kwään wïth tuŋi mo jø Icriel na näk apaar kurriiø.

Bwøth Wøk 28:21

Kïte moøgø ni perge leth yøø beege kïte apaar kurriiø, na aciel man nø nyeŋ dhaanhø aciel røk wäät Icriel ogöör bääte, ni nyootha wïth tuŋi apaar kurriiø mo jø Icriel.

Aydheea 65:17

«Adïëri møn, aani, a cwääö ki maal mo nyään ki piny mo nyään, 'ba gïïa no opöödhö dïkwøŋ, wïc ba par ki geni këët, ni ge ba duu ya acaara këët.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Ciik Kiper Dïlämme 24:5

«'Ba ïïni wärï lwötï ri møø mana pøøth ni deelï gø no opamø na apaar kurriiø; ni møø man nø beeye møø ma rumme ariiø røk rumme apaar man wø en yi rumi mar iipa.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Mathiew 19:27

Kanyøgø adwøk Piterri jïre, ni kööe, ni «Kawaane jammi bëët awiiwa piny ni caathwa køørï. ?Agïnaŋø nø, noo jootwa?»

Mathiew 20:21

Ni kö Jecu jïre, na «?Agïnaŋø ni manynyï?» Ni dwøgi ya nyijøøgø jïgø, ni «Cïpï ki dwøl nee wääta moi na ariiø ii pïge piny bura marï, na aciel ena bäät cwïïï, ni ö maya ni en bäät caamï.»

Mathiew 25:31

«'Ba kanyo ö Wär Dhaanhø ka ajiem mare ki nyïïatwiet maal bëët na aciel, kanyøca eno pï piny ni ena nyeya bäät wäl ajiem mare.

Mathiew 6:33

'Ba kwøŋu buc Jwøk ki beeny Jwøk cayø. Køøre nø, gïïögø bëët owëëk uuni thuwø.

Mathiew 8:20

'Ba Jecu aköö jïgø, no «Othööe jïge da buri, ni weny jïge da uudi, 'ba Wär Dhaanhø, bäŋ kany mo nyaaŋ thääŋŋe yi gø.»

Maak 10:37

Ni köge jïgø, ni «Wëëk wa pïïn kar ajiemï, ni dhaanhø aciel ena bäät cwïïï, ni ö maya ni en bäät caamï.»

Moa Tïïc Nyïïatwieli 3:21

ŋato bëëdö maal gøøc mano ö jammi bëët noo døøyi mo nyään keda mana kwøŋi ya Jwøki køp ki dhøk nyïïkuk moe na en kur keerge.

2 Timöthi 2:12

Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

Jøcua 3:12

'Ba ennø, kwänyu ki jiy apaar kurriiø røk wïth tuŋi mo jø Icriel, ni ŋati man nø käla ri wï tuuŋ man nø.

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

Mana Nyooth 11:16

Ni ö jaae moa näk pïërariiø kurŋween na en bäät wäle moge nyïm Jwøk, ni päthge ki nyïmge ni wøørge Jwøk.

Mana Nyooth 12:1

Ni ö ŋïïyi mo dwøŋ ni nëëne maal, na dhaagø mo cäŋ ee røø dëëre, ni dwääy ena tiete, ni wïïe da adun ceer apaar kurriiø.

Mana Nyooth 20:4

Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Mana Nyooth 21:5

Ni ö ŋata en bäät wälu ni kööe, ni «Ennø, a tïïya jammi bëët ni nyärö.» Ni cäŋ köö, ni «Göör gïn. Kiper luup moi ii beege luup mo oŋäädhö ni näkge adïëri.»

Mana Nyooth 22:2

ni muuli ka dï waŋjöör paanøgø. 'Ba bäät ageel moe karge riet thuwø, jaadha näk jaath kwøw ena yie, ni bääte da nyïïe apaar kurriiø ma teeŋi, ni nyïïe nywøle ka yïth dwäde bëët. 'Ba bøøge beege wø køny mïëri ki ŋwiitge.

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 7:4

Ni wïnynya kwään jøøa täärnyïmge kïthi ki ŋïï, na jiy mo jïtö ki kume ma dïpa ki pïëraŋween kurŋween, mo ööi ki røk tuk wäät Icriel bëët.