Mathiew 19:23 - Wëël Jwøk

²³ Kanyøgø Jecu aköö jï bääge, na «Adïëri møn, a cäänna uuni, noo tïmö ni teek døc jï ŋat mo okwär ki man døny yi buya käl maal.

Mathiew 19:23 Iomraidhean Croise

Pwöc Leec Wïc 11:28

Ŋat wø ŋääth jap kwärö moe, pätha yi ränynyö, 'ba ŋata mare beer bëëdö no oløth kaamar jaath.

Mathiew 13:22

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Mathiew 18:3

Ni kööe, na «Adïëri møn, a caana gø jïïu, ni näk cwïnynyu ba løgu ni tïmu kaamar obwöre, u ba døny yi buya käl maal na bäre bäre.

Mathiew 19:22

'Ba kanya ö nyenøgø na wïny gïnögø, ena aay ni cwïnye opädhö. Kiper eni jïre da jammi mo thööth døc.

Mathiew 21:31

?A mane nø røk obwöre moø na ariiø yøø na tïïc mana many wänni?» Ni köge, ni «Mana dïkwøŋ.» Ni kö Jecu jïge, na «Adïëri møn a cäänna uuni, ni jø ajwäk ki kääpe oci buc Jwøk nou poodi.

Mathiew 5:20

Kiper a cäänna uuni, ni näk bëënynyö maru, bëënynyö mar dïpööye mo ciik Jwøk ki mar jø Paricith ba kaale, u ba doo døny yi buya käl maal na bäre bäre.

Maak 10:23

'Ba Jecu alwïthö ni kööe jï bääge, «Døny buc Jwøk oteee ki teek mo nyïëdi jï jøø no okwär yøø ki man dønyge yie.»

Luk 18:24

'Ba jïre aneen Jecu, ni kööe, ni «Døny buc Jwøk teee ki teek mo nyïëdi jï jøø no okwär yøø.

Jøøn 3:3

'Ba aløk Jecu jïgø, ni kööe, na «Adïëri møn a caana gø jïrï, ni näk mo dhaanhø kär cäŋ nywøllø ni nyään, eni buc Jwøk ba dee maara joot.»

Jøøn 3:5

'Ba aløk Jecu jïre, na «Adïëri møn, a caana gø jïrï, ni näk mo dhaanhø kär nywølø ki pïï ki Jwïëc Jwøk, eni ba doo maara døny yi buc Jwøk.

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

1 Körin 1:26

'Ba caarru cwödö mana cwøl uuni ki gø, nyïïmera. Kiper paa mo thööth dïïu na wïthge leer keda man wø caan jø pinynyi, ni paa mo thööth na teek, ni paa mo thööth na nywöli yi tuuŋ kwär.

Jeemeth 2:6

'Ba ŋata can wïïe alääu. ?Aŋø, paa jøøa no okwär ni wø caan uuni? ?Paa geni ni wø pee uuni kwör løøe?