Mathiew 19:22 - Wëël Jwøk

²² 'Ba kanya ö nyenøgø na wïny gïnögø, ena aay ni cwïnye opädhö. Kiper eni jïre da jammi mo thööth døc.

Mathiew 19:22 Iomraidhean Croise

Edhikiel 33:31

Jiy ööa baŋï kaawat man wø tïïc dhaanhe jaak, ni pïge piny nyïmï kuna wïnyge luup moï kede gena jiya, 'ba ba kïthge bäät tïïc. Geni, ge cara luup mo beyø ki dhøkge, 'ba cwïnyge caara gïï mo reyø ki møt.

Mathiew 13:22

'Ba mana jør yïth koodhi, beeye ŋat wø wïny luubö. 'Ba eni bëëdö ni lääŋŋa jap piny, ki mëëc kwär. Ni ö gïïögø ni bøøcge luummögø, ni ba jïte ki nyeŋ.

Mathiew 14:9

'Ba këël na bëëde ni nyeya ma Eerat cwïnye opädhö, ena cïpö ki dwøl nee wï Jøøn mëëk nyilaarøgø, kiper kööŋ mare na nø kööŋe ki gø nyïm wëëlle moe.

Mathiew 16:26

?Kiper agïnaŋø noo beer noo duui jï dhaanhø, ni näk mo piny bäre oci jïre, ni nyääk jwïëye? ?Wala agïnaŋø noo cïp dhaanhe ni wiila jwïëye?

Mathiew 19:21

Ni kö Jecu jïgø, ni «Ni näk miï manynya man tïm bëëtö marï no othur kare ni beer bäre, ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra. Køøre nø, ïïno jïti ki jap kwär maal.»

Mathiew 19:23

Kanyøgø Jecu aköö jï bääge, na «Adïëri møn, a cäänna uuni, noo tïmö ni teek døc jï ŋat mo okwär ki man døny yi buya käl maal.

Mathiew 6:24

«Bäŋ dhaanhø mo løny jïre ki man tïny kwääri ariiø. Kiper eni løny ki man männe ka aciel ni mëëre ki maya. Wala cwïnye wëëge aciel, ni jøøŋ maya. Kiper ba løny jïïu ki man tïnynyu Jwøk ni tïnynyu jap piny.

Maak 10:22

'Ba na wïny luummögø, täärnyïme aniduk, ni aae ni cwïnye opädhö. Kiper eni jïre da jammi mo thööth døc.

Maak 6:26

'Ba nyeya cwïnye apädhö døc. 'Ba kiper mana näk eno nø kööŋ nyïm wëëte, ena tïmö ni ba many man wiil luumme na caane jï nyakøønnøgø.

Luk 18:23

'Ba na wïny gïnögø, cwïnye apädhö, kiper eno kwär døc na bëëde.

Jøøn 16:20

Adïëri møn a caana gø jïïu, ni uuno jwöŋi ni dhööŋŋu kööthu, 'ba jø piny yïthge omïnni. Uuni cwïnynyu opädhi, 'ba pänh cwïny maru oløk na met ec.

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Köløcia 3:5

Kiper manøgønø, 'nägu jap piny ni en cwïnynyu, teeŋ kaa käp, ki rääö, ki gïïa reyø wø nieŋ cwïnynyu køørge, ki many raay, ki päl cwïny, na näk beeye wøør juu møøk.