Mathiew 18:27 - Wëël Jwøk

²⁷ «'Ba nyeya cwïnye apädhö ki gïr ŋatøgø, ni pät gø, ni wec jammi moa en bääte.

Mathiew 18:27 Iomraidhean Croise

Neemiya 9:17

Geni, gena kweer ki man cekge ïthge, ni kärge tïïe moï lääŋŋö moa näk rëëma ec na tïïyï yïthakicge. Gena tïmö ni wïthge teek, ni kwänyge ki dïbwödhi mo dwøga geni yi bëët laŋ Ijep. 'Ba ïïni, ïïna Jwø wø wëën jiy, ni wø nyooth met ec mare, ki mëër mare, ni wø ba laar wëër, ni mëëye ni wø ba jøøl päl. Ïïni, jiyï kärï wiiø.

Odheea 11:8

«?Wui jø tuuŋ Ipariem, olønye nidïï ki man cïba uuni ceŋ jø møøk? ?Wui u na jø Icriel, olønye nidïï ki man wiia uuni nou aayu? ?Aŋø, løny ki man raanynya uuni kaamar jø Adama ki jø Dheböym? Cwïnya akweer ki man tïïa gïnögø, ni ö bäth eci mara ni jääny wøk ki mëër.

Mathiew 18:28

«'Ba ŋat tïïc manøgø ki dëëre na aa wøk, ena røømmø ki ŋat tïïc aciel røk jø tïïc mo wø tïïö ki eni ciel, ni tïme ni manynya gwete ma dïpa bäät ŋat tïïc manøgø. Ni mak nyenøgø ki cwaak gø, ni kööe, ni ‹Cool gweta moa en bäätï.›

Mathiew 18:32

«Kanyøgø nyeya aööt baŋe, ni kööe jïgø, ni ‹Ï na ŋat tïïc mo raac en. Japa en bäätï bëët awëëga ïïni kiper na kwaayï aani.

Luk 7:42

'Ba na dhäthe jïge ki cool, awëëk geni, karge riet. ?A mane nø, ni mëëye okadhø ki gø dï jøø na ariiø yøø?»

Luk 7:43

Ni løgi Caymanni, ni «Ki jïra, beeye ŋata wëënne ki japa thööth.» Ni kööe jïgø, na «Acaanï na kare.»

Pïëmme 10:16

Kanyøgønø, geni juuga path moa en yïthakicge aputge wec, ni tïmge ni ge tïnynya Wuuö Jwøk. Køøre Wuuö Jwøk cwïnye apädhö ki caarø manø ni teek ni caar jø Icriel ki gø enø.