Mathiew 18:16 - Wëël Jwøk

¹⁶ 'Ba ni näk marï ba wïnynye, lwötï ki dhaanhø aciel wala jiy ariiø, kiper nee ‹luubö tïme na kare ki køør gïna caan jiyi ariiø wala adäk moa tïïc gïnögø buutge.›

Mathiew 18:16 Iomraidhean Croise

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

Kwään Jiy 35:30

«Ŋat mo onägö ki dhaanhø, thøø doo ŋøla bääte ki køør luup moo caan jøøa näk nutö kar kaace. 'Ba kär dee dhaanhø mo 'näk ki køør luup moo caan dhaanhø acielli.

Jøøn 8:17

Ki ri ciik Jwøk maru ogöörö, ni ‹Gïn wø caan jiyi ariiø, beeye adïëri.›

2 Körin 13:1

Man beeye dää wäädhi jïra ki man ööa baŋu. 'Ba nee da luubö mo di caanø, wär caan ni da jiy ariiø wala adäk mo ŋäc gø.

Tiet Ciik 17:6

Teeŋ ŋatøgø wär näk ki køør gïno caan jøøa tïïc gïnögø buutge, ni beege jiy ariiø wala jiy adäk. 'Ba kär dee dhaanhø mo 'näk ki køør gïn mo caana dhaanhe acielli.

Tiet Ciik 19:15

«U ba doo jïëy ki luum dhaanhø aciel keere mo köö kar løøk, ni ‹Gïnögø na tïïyi ya ŋatøgø, a nutö.› 'Ba luubö doo tïmö na kare ki køør gïna caan jiyi ariiø wala adäk moa tïïc gïnögø buutge.

1 Timöthi 5:19

Kär niï jïëy ki luubö mo di caanø, ni da gïn mo raac mo otïïc jaan acooŋ Jwøki ni näk ba caana jiyi ariiø wala adäk, jøøa ŋäc gø.

Ibaru 10:28

'Ba ŋat mo ciik Modhe ee taaø, eni thøw ni bäŋ køny mo joode, ki køør dööt jiy ariiø wala adäk mo wø caan bääyö mare.

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»