Mathiew 18:10 - Wëël Jwøk

¹⁰ «Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 18:10 Iomraidhean Croise

2 Camiel 14:28

'Ba Abëcëlöm abëëdö Jerucalem ki cwiiri ariiø, ni täärnyïm nyeya käre joodø.

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Acther 1:14

Jaae moa pï piny bäät acooŋa ki nyeya beege Karcëna, ki Cëthar, ka Admatha, ki Tarcëc, ki Mërëc, ki Marcëna, ki Memukan. Jøøgø na abïriiø yøø beege jø kööre mo Parca ki Mëdön moa karge cään ki nyeya ni løny ki man dønyge baŋ gø kany wø manyge, ni beege jø wø pï piny nyïm dïkwøŋ cwöt.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 12:20

Ni ba toor otöök mo onyøc, ni ba jwöc maac mo duuŋ, këël mano wëëk ŋøl luup mo beer mar Jwøk thur kare.

Mathiew 18:14

Kaawat manøgøøni thuwø, Wära ni en maal ba cac man rwääny acielli dëët obwöre moi ni therø ii.

Mathiew 18:6

'Ba ŋato wäro wëëk nyilaal aciel bääyö dëët moi ni therø ii no ojïëy ni ŋääthge aani en, doo beerra eni kiper ŋatøgø ki man twöö kïn guur mo dwøŋ døc ŋute, ni leeŋi yi naama dwøŋ kany mo päŋ.

Mathiew 2:13

'Ba kanya nø døø jø wø kwaan ceer poge, nyïïatwiel maal mar Wuuö aö bäät Jocep ki yïth lääk ni kööe, ni «Ö maal ni lwørï nyilaal ki menni ni reŋŋï Ijep, ni bëëdï kunöce këël kanyo dee gïn caana jïrï. Kiper Eerat tïmö ni manynya kar nyilaal nee nyilaal nääe.»

Mathiew 2:19

'Ba kanya thøw Eerati, nyïïatwiel maal mar Wuuö aö bäät Jocep ki yïth lääk kanya en Ijep, ni kööe,

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Luk 1:19

'Ba aløk nyïïatwiel maalli jïre, ni «Aana Geebriel, ni wø cuŋŋi nyïm Jwøk; naa jääŋŋi kaper niï cäänna, naa køpa luummi ni met en jïrï.

Luk 10:16

Ni kö Jecu jï bääge, ni «Ŋato wïny maru, wïnynya mara. Ni ŋato kwier uuni, kwiera aani. 'Ba ŋato kwier aani, kwiera eni na jääŋ aani.»

Luk 16:22

Kanyøgø ŋata can athøw, ni kääri ya nyïïatwiet maalli ni kïthge gø köör Eeberam. Køøre ŋata no okwär athøw thuwø, ni koonyi.

Moa Tïïc Nyïïatwieli 10:3

'Ba dïcäŋ aciel kar caae adäk ka abøøya, nyïïatwiel maal mør mar Jwøk ajoode døøc ni ööa baŋe ni kööe jïre, ni «Körnilia.»

Moa Tïïc Nyïïatwieli 12:15

Ni köge jïre, ni «Ïïna bøøl.» 'Ba na nieŋ ri gø ni beeye adïëri, gena köö, ni «Manøgø tïmö ni beeye nyïïatwiel maal mare.»

Moa Tïïc Nyïïatwieli 12:23

Ni puti ya nyïïatwiel maalli mør mar Wuuö gøøc, kiper na käre Jwøk jiemø. Ni ö dëëre ni cami twöŋi ni thøøe.

Moa Tïïc Nyïïatwieli 27:23

Kiper yawïtïn kiree, nyïïatwiel maal mør mar Jwøk, ni näga dhaanhnhe en ni wø wøøra, acuŋŋö buuta.

Moa Tïïc Nyïïatwieli 5:19

'Ba na tïme na wäär, nyïïatwiel maal mør mar Wuuö odhuuth øt twöc ajabe ni käl geni wøgø, ni kööe,

Wëëlö Mana Göör Pøølli Baŋ Jø Röm 14:10

?Aŋø ni jäälï cöögu? ?Wala ïïni, aŋø ni jøøŋŋï cöögu? Kiper ø cuŋŋö nyïm thunh løøk mar Jwøk karøbëët.

Wëëlö Mana Göör Pøølli Baŋ Jø Röm 14:21

Wøp døc, ni ba cämï ki rïŋö wala maath køøŋ nyïïomøki, wala tïïc gïn mør jaak mo wëëga cöögu cwaany tiere.

Wëëlö Mana Göör Pøølli Baŋ Jø Röm 15:1

'Ba ø ni teek, ø doo käära jøø ni poot jägö yøø, ni ba caarø dëëtø keerø.

1 Körin 11:22

?Aŋø, jïïu bäŋ mïëri mo cämu yïthge ni mädhu? ?Wala u jøøŋŋa acooŋ Jwøk, ni lääu wïth jøøa jïge bäŋgø? ?Agïnaŋø noo caana jïïu? ?Aŋø, u daa pwøø kiper manøgø? Jïra bäär, u ba daa pwøø.

1 Körin 16:11

'Ba kär dee ŋat mo taak gïr gø. 'Ba wär wëëgu wääth ki bëët-mëër, nee duu baŋa. Kiper a ŋäätha eni, ni eni öö ki nyïïmëëe møga.

1 Körin 9:22

'Ba ki jï jøøa näk ŋäädhe marge thiinh, dëëra atïïa keda aana dhaanhø mo ŋäädhe mare thiinh, kiper naa känna kura ki jøøa ŋäädhe marge thiinh. Aani, dëëra atïïa na enøgønø ki yïth jammi bëët jï jiy bëët, kiper naa jïta ki jöö ki yïth japøgø bëët nee jø møøk piema.

2 Körin 10:1

A na Pøøl ki dëëra, a kwaya uuni ki køør mööl mar Krictø, ki bäth ec mare, ni beeye a ŋat wø døøc dëëra mo mwöl kany wø ena buutu, ni en cerri cwïnya kany wø tøøra.

2 Körin 10:10

Kiper jø wø cäänö kipera, ni «Weeli moe yïthge da luup mo leth ni teek, 'ba dëëre kiree jääk, ni dwøre ba wïnyi ni beer.»

Galeecia 6:1

Nyïïmera, noo dee ŋat jootu no obääyö, u ni cwïnynyu en køør Jwøk, wär cou baŋe nou mwöl, ni dwøgu gø kare. 'Ba riï wär gwøgï, niï ba päänynyi thuwø.

1 Thecalönika 4:8

Kiper manøgønø, ŋato taak luummögø, ba taak dhaanhø, 'ba taaga Jwøk, ŋat wø cïp Jwïëye na en kur keere jïïu.

1 Timöthi 4:12

Ni bäŋe ŋat jøøŋ ïïni kiper thïnhö marï, 'ba tïmï ni ïïna jöö jï jøøa näk ojïëy ki yïth luup moï, ki bëëtö marï, ki mëër marï, ki ŋäädhe marï, niï ciil ki raay bëët.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 9:24

Kiper Krictø kär døny yi kanya en kur keere mana näk tïïc ka ceŋ, man wø nyooth kanya en kur keere mana näk adïëri. 'Ba ena ci maalø kiree, ni eni cuŋŋö nyïm Jwøk ennø kiperø.

Mana Nyooth 8:2

Køøre nyïïatwiet maal abïriiø mo wø cuŋŋi nyïm Jwøk ajooda. Ni ö tuŋi abïriiø ni mëëgi geni.