Mathiew 17:27 - Wëël Jwøk

²⁷ 'Ba kiper nee cwïnyge ba raanynyø, ci naam ni lëëŋŋï ko obïth, ni lwørï rëëyo kwøŋï mak, ni japï dhee. 'Ba ïïno jïtï ki gwel dhee. Gwetøgø wär kälï, ni mëëgï gø geni na kara ki karï.»

Mathiew 17:27 Iomraidhean Croise

Wïlöölö 1:28

Ni ö Jwøki ni gwïëth geni, ni kööe jïge, ni «Nyöödu ni nyaayu, ni pääŋŋu piny, ni dïïmmu gø, ni bëëdu ni jïïu da teek bäät rec naam ki wec maal ki gïïa näk dëëtge da jwïëy bëët mo bäät piny.»

1 Nyeye 17:4

'Ba ïïno mädhö ki pïï yi waŋ naamøgø. Aani, agääe yaa nø köömmö nee känge jïrï ki cam kaace.»

Joona 1:17

'Ba Wuuö Jwøk rëëö mo dwøŋ ajääŋŋe ni løøny Joona, ni ö Joona ni bëëde ki nïne adäk, wärre ki cääŋŋe moge, ni ena yi rëëö.

Joona 2:10

Køøre Wuuö Jwøk rëëö aput köömmö, ni ö rëëe ni ŋöö Joona wøk kanya näk otal.

Mathiew 17:26

'Ba kanya ö Piterri na dwøk gø, ni «Baŋ jøøa path,» Jecu aköö jïre, «Ni näk ma ennønø, wäätge ege wiiø ni ba jwäkge.

Mathiew 18:6

'Ba ŋato wäro wëëk nyilaal aciel bääyö dëët moi ni therø ii no ojïëy ni ŋääthge aani en, doo beerra eni kiper ŋatøgø ki man twöö kïn guur mo dwøŋ døc ŋute, ni leeŋi yi naama dwøŋ kany mo päŋ.

Mathiew 18:8

'Ba ni näk cerï wala tierï beeye wø wëëk ïïni bääyö, ŋul wøk, ni wetï gø. Kiper beerra eni ki man ciï yi kwøw na dïbat ciel wala ïïna ŋwøl, ki mana di ï leeŋ yi maaa näk bäŋ cuŋŋe kar ajäla ki ceŋŋï riet wala tietï riet.

Mathiew 5:29

Ni näk waŋ cwïïï beeye wø wëëk ïïni bääyö, göön wøk, ni wetï gø. Kiper beerra eni ki man räny thääŋ dëërï mør, ki mana di dëërï bäre leeŋ yi maac kar ajäla.

Mathiew 5:30

'Ba ni näk cer cwïïï beeye wø wëëk ïïni bääyö, ŋul wøk, ni wetï gø. Kiper beerra eni ki man räny thääŋ dëërï mør, ki mana di dëërï bäre ci yi maac kar ajäla.

Maak 9:42

«'Ba ŋato wäro wëëk nyilaal aciel bääyö dëët moi ni therø ii no ojïëy ni ŋääthge aani en, doo beerra eni kiper ŋatøgø ki man twöö kïn guur mo dwøŋ døc ŋute, ni leeŋi yi naama dwøŋ.

Maak 9:43

'Ba ni näk cerï beeye wø wëëk ïïni bääyö, ŋul wøk. Kiper beerra eni jïrï ki man ciï yi kwøw na dïbat ciel, ki mana di ï leeŋ yi maac kar ajäla na näk maaa näk bäŋ cuŋŋe ki ceŋŋï riet.

Luk 17:2

Doo beerra eni kiper ŋatøgø ki man twöö kïn guur ŋute, ni leeŋi yi naama dwøŋ, ki man wëëk aciel dëët moi ni therø ii bääyö.

Jøøn 6:61

'Ba Jecu na ŋäc gø ki dëëre ni bääge moøgø muuŋö kiper luummögøøni, ena köö jïge, na «?Aŋø, cwïnynyu ränynyö kiper luubö man?

Wëëlö Mana Göör Pøølli Baŋ Jø Röm 14:21

Wøp døc, ni ba cämï ki rïŋö wala maath køøŋ nyïïomøki, wala tïïc gïn mør jaak mo wëëga cöögu cwaany tiere.

1 Körin 8:13

Kiper manøgønø, ni näk beeye cam rïŋö wø wëëk coka pädhö, a ba doo cämö ki rïŋö na bäre bäre, kiper ni näk maa cämö, kanymør coka wëëga pädhö.

1 Körin 8:9

'Ba beeye gïn en keere, beerra man gwøgu rou, nee pät maru ba tïme na gïn wø ö jøøa näk ŋäädhe marge poot thiinh ni cwanyge tietge ki gø.

2 Körin 6:3

Bäŋ ŋat mo jööre kïthwa ki dïdëët, kiper nee bäŋe ŋat mo jøøŋ tïïc marwa.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

1 Thecalönika 5:22

Ni tïïyu karu ni bäär ki teeŋ raay bëët.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?